იმედი მაქვს, რომ ამ საგამოძიებო მოქმედებების შემდეგ, გიორგი ჭანტურიას მიმართ არანაირი საგამოძიებო მოქმედება აღარ ჩატარდება, - ამის შესახებ ადვოკატმა ლექსო კობაიძემ ჟურნალისტებს ჩხრეკის დასრულების შემდეგ განუცხადა.

ადვოკატი მიიჩნევს, რომ ჭანტურიას დაკავება არ მოხდება.

"დღეს კვლავ ჩატარდა ჩხრეკა გიორგი ჭანტურიას საცხოვრებელ სახლში. რა ამოიღეს სახლიდან, ასეთ საკითხებზე დეტალურად ვერ გესაუბრებით ამ ეტაპზე. იმედი მაქვს, რომ ამ საგამოძიებო მოქმედებების შემდეგ, გიორგი ჭანტურიას მისამართით არანაირი საგამოძიებო მოქმედება აღარ ჩატარდება. მის დაკავებას არ ველოდებით", - განაცხადა კობაიძემ.

ჭანტურიას საცხოვრებელ სახლში, რომელიც თბილისში მდებარეობს ჩხრეკა უკვე დასრულდა. ასევე კიდევ ერთი განმეორებითი ჩხრეკა რუსთავში მდებარე სახლში მიმდინარეობს, თუმცა გამომძიებლები სახლს ნელ-ნელა ტოვებენ. გამომძიებლის ინფორმაციით, ამოღებულია გარკვეული ნივთები, თუმცა რა ნივთებზეა საუბარი, უწყების წარმომადგენლები გამოძიების ინტერესებიდან გამომდინარე არ საუბრობენ.

ცნობისთვის, გიორგი ჭანტურია, რომელიც ე.წ. სტამბოლის ბაზრობის ყოფილი მეწილეა, 17 იანვარს დააკავეს. ის რამდენიმე საათის განმავლობაში იკითხებოდა. გიორგი ჭანტურიამ გუშინ ქვემო ქართლის პოლიციის დეპარტამენტის შენობა დატოვა. როგორც შსს-ს განცხადებაშია აღნიშნული, მას მიმდინარე გამოძიებაზე ბრალი არ წარედგინა.

შეგახსენებთ, რომ რუსთავში, ე.წ. სტამბოლის ბაზრობის ერთ-ერთი მეწილე სამსონ ქუთათელაძე 15 იანვარს მოკლეს. მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას  გულისხმობს.

ავტორი: ,

სოციალური ქსელები

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

რუსეთში დამკრძალავი კომპანიების რაოდენობა მკვეთრად გაიზარდა, უკრაინაში რეკორდული დანაკარგის ფონზე.