გმირთა მოედანზე 3 ადამიანის დაჭრის საქმის პროკურორის ნიკოლოზ ნინიძის განცხადებით, ბრალდების მხარე საბა სამუშიასთვის აღკვეთი ღონისძიების სახით პატიმრობას ითხოვს.

როგორც პროკურორმა განმარტა, ბრალდებულის მხრიდან ახალი დანაშაულის ჩადენის საფრთხე არსებობს.

"ვინაირად არის ბრალდებულის მხრიდან ახალი დანაშაულის ჩადენის საფრთხე - მიმალვის და ასევე მტკიცებულებების განადგურების. ბრალდების მხარეს აქვს ლეგიტიმური მოლოდინი, რომ სასამართლო სრულად გაიზიარებს ჩვენს დასაბუთებას. გუშნ ბრალდებული გადაყვანილი იქნა ექსპერტიზის ბიუროში. დანიშნული აქვს სასამართლო-სამედიცინო ექსპერტიზა. დასკვნა ჯერ მიღებული არ გვაქვს. აქედან გამომდინარე მას არენიშნება თუ არა დაზიანებები და რა სახის დაზიანებებია, ცნობილი გახდება მას შემდეგ, რაც ბრალდების მხარე მიიღებს დასკვნას", - განაცხადა ნიკოლოზ ნინიძემ.

ცნობისთვის, საბა სამუშიას ბრალი სამი მუხლით აქვს წარდგენილი. ესენია: 117 მუხლის პირველი ნაწილით (ჯანმრთელობის განზრახ მძიმე დაზიანება, რომელიც 3-დან 6 წლამდე პატიმრობას ითვალისწინებს), 118 მუხლის მესამე ნაწილით (ჯანმრთელობის განზრახ ნაკლებად მძიმე დაზიანება, რომელიც 3დან 5-წლამდე პატიმრობით ისჯება) და 239 მუხლის მესამე ნაწილით (ხულიგნობა, ჩადენილი ცეცხლსასროლი იარაღის ან იარაღად სხვა საგნის გამოყენებით, რაც 4-დან 7 წლამდე პატიმრობით ისჯება).

შეგახსენებთ, რომ 17 იანვარს, გმიერთა მოედანზე მდებარე რესტორან "აღაში" ურთიერთშელაპარაკების დროს 3 პირი დაიჭრა. ისინი საავადმყოფოში გადაიყვანეს. ერთ-ერთი დაშავებულის მდგომარეობა ამ დრომდე მძიმეა. რაც შეეხება თავდამსხმელს, ის გავრცელებული ინფორმაციით, ერთ-ერთი ანსამბლის მომღერალია, რომელიც იმ ღამეს რესტორანში მღეროდა. მანამდე გამოძიება სსკ-ის 120-ე მუხლით მიმდინაროებდა, რაც განზრახ მსუბუქ დაზიანებას გულისხმობდა.

ავტორი: ,

სოციალური ქსელები

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

რუსეთში დამკრძალავი კომპანიების რაოდენობა მკვეთრად გაიზარდა, უკრაინაში რეკორდული დანაკარგის ფონზე.