მხარდამჭერებმა საქართველოს ყოფილი პრეზიდენტი მიხეილ სააკაშვილი სპეცრაზმის მიკრავტობუსიდან გადმოიყვანეს.

იგი აქციის მონაწილეებს შეუერთდა და სპეცრაზმისგან დახსნისთვის მადლობა გადაუხადა.

"ჩემო საყვარელო ხალხო, დღეს პოროშენკო პუტინტან ერთად ჩემ დაკავებას ცდილობდა. უნდათ, რომ მოიშორონ კორუფციასთან მთავარი მებრძოლი და პუტინის მთავარი მტერი ჩემი სახით. ვიცი, არ მისცემთ საშუალებას, რომ უკრაინა მოკლან. ჩემს სიცოცხლეს დავდებ, ამ ბრძოლისთვის. მოვუწოდებ ყველა კიეველს გამოვიდნენ გარეთ დღესვე და დავიწყოთ პოროშენკოსგან გათავისუფლების პროცესი. ბევრნი  ვართ და მოვიგებთ. მოგიწოდებთ, ახლავე მაიდანზე გახვიდეთ და დავიწყოთ პოროშენკოს იმპიჩმენტი. მე დავდებ ჩემ თავისუფლებას, დავრჩები უკრაინაში, მოვკვდები უკრიანისთვის", - მიმართა სააკაშვილმა ადგილზე შეკრებილ მხარდამჭერებს.

შეგახსენებთ, დღეს დილით უკრაინის უსაფრთხოების სამსახურმა მიხეილ სააკაშვილის ბინაში ჩხრეკა ჩაატარა. სპეცრაზმმა სააკაშვილი დააკავა, თუმცა მათ ტერიტორიიდან მისი გაყვანის უფლება ყოფილი პრეზიდენტის მხარდამჭერებმა არ მისცეს. ადგილზე სამართალდამცველებსა და აქციის მონაწილეებს შორის დაპირისპირება რამდენჯერმე მოხდა. მომიტინგეების წინააღმდეგ ცრემლსადენი გაზიც გამოიყენეს. ცნობისთვის, მიხეილ სააკაშვილი 4 საათის განმავლობაში სპეცრაზმის მიკროავტობუსში იმყოფებოდა. 

ავტორი: ,

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში