თბილისის ახლადარჩეული მერი კახა კალაძე მერიის საქალაქო სამსახურების უფროსების  და გამგებელების კანდიდატურებს მომდევნო დღეების განმავლობაში წარადგენს.

ამის შესახებ მერმა  Facebook გვერდზე გავრცელებულ ვიდეომიმართვაში აღნიშნა.

„დღეს უკვე ვიმყოფები თბილისის მერიაში. ეს ჩემი პირველი სამუშაო დღეა. საკმაოდ ემოციური დღე იყო ჩემთვის. დღეს წარვადგინე მერის მოადგილეობის კანდიდატები - ადამიანები, რომლებიც მომდევნო წლების განმავლობაში, მუშაობას ჩემთან ერთად გააგრძელებენ მუშაობას. თქვენ იცით, რომ ქალაქთან დაკავშირებით საკმაოდ ამბიციური გეგმები  და პროექტები გვაქვს.  ყოველთვის ვამბობდი, რომ საჭიროა ამისთვის ძლიერი, კომპეტენტური, პროფესიონალი ადამიანებისგან დაკომპლექტებული გუნდი და რაც მთავარია, პატიოსნებაა.მომდევნო დღეების განმავლობაში ვაპირებ წარვადგინო  საქალაქო სამსახურის უფროსების და გამგებლების კანდიდატები.

საკრებულოში დამტკიცების შემდგომ მოგვეცემა შესაძლებლობა, რომ დავიწყოთ მუშაობა“,-განაცხადა კახა კალაძემ.

მან მოსახლეობას თანადგომისთვის და მხარდაჭერისთვის მადლობა გადაუხადა. 

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია