არ არსებობს დადასტურებული კვლევა, რომ ცხოველის/ფრინველის მიერ აზიური ფაროსანას საკვებად მიღების შემთხვევაში, მისი სპეციფიკური სუნი ხორცის საგემოვნო თვისებებზე აისახება“,-ამის შესახებ სურსათის ეროვნული სააგენტოს ეროვნული სააგენტოს მიერ გავრცელებულ განცხადებაშია ნათქვამი.

ეროვნული სააგენტო კიდევ ერთხელ განმარტავს, რომ აზიური ფაროსანა არ წარმოადგენს საფრთხეს არც ადამიანის და არც ცხოველის/ფრინველის ჯანმრთელობისთვის.

„მავნებელს არ გადააქვს დაავადებები და ცხოველის/ფრინველის მიერ საკვებად მიღების შემთხვევაში არ არის მომწამვლელი. როგორც ყველა მწერს - კალიას, ხოჭოს, პეპელას, რომელიც მდიდარია ცილებით, აზიურ ფაროსანასაც ეტანებიან ფრინველები.

როგორც ცნობილია, აზიურ ფაროსანას აქვს დამცავი მექანიზმი - იგი სპეციფიკურ სუნს უშვებს. არ არსებობს დადასტურებული კვლევა, რომ ცხოველის/ფრინველის მიერ საკვებად მიღების შემთხვევაში, აღნიშნული სპეციფიკური სუნი ხორცის საგემოვნო თვისებებზე აისახება, თუმცა, ხშირად უსიამოვნო ფსიქოლოგიურ განწყობას ქმნის.

იმ შემთხვევაში, თუ არსებობს ასეთი ფსიქოლოგიური განწყობა, შესაძლებელია გამოყენებულ იქნას სპეციალიზირებულ ფერმებში არსებული სტანდარტი, რაც გულისხმობს მოცდის პერიოდის გამოყენებას და ცხოველის/ფრინველის დაკვლამდე 10 დღით ადრე საკვები დანამტების (მაგ., თევზის ფქვილი) კვების რაციონიდან ამოღების ღონისძიებას ითვალისწინებს“,-აღნიშნულია განცხადებაში.

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია