მთავრობის ადმინისტრაციასთან „პატრიოტთა ალიანსმა“  საპროტესტო აქცია გამართა.

ამ ეტაპზე მათი მთავარი მოთხოვნა  პრემიერ-მინისტრ გიორგი კვირიკაშვილის და მისი მთავრობის გადადგომაა, თუმცა ძალაში რჩება სხვა მოთხოვნებიც. 

როგორც  „პატრიოტთა ალიანსის“  ლიდერმა დავით თარხან-მოურავმა განაცხადა, ისინი მთავრობის გადადგომამდე აქციებს არ შეწყვეტენ.

უფრო მეტიც, თარხან-მოურავის განმარტებით,  დღევანდელი აქციის დასრულების შემდეგ მთავრობის ადმინისტრაციასთან 100-მდე ადამიანი დარჩება, რომელიც მჯდომარე აქციას  დაიწყებს.

ამასთან, დავით თარხან-მოურავის თქმით, გაგრძელდება შიმშილობის აქცია პარლამენტთან.

„ჩვენ ვუთხარით საზოგადოებას, რომ გააყალბებდნენ არჩევნებს . იმ პარტიას, ვისაც  1000 კაცი არ ჰყავთ გვერდით, 16%-17% დაუწერეს.

ეს ხელისუფლება არის გამყალბებელი ხელისუფლება. არავითარი უკან დახევა არ იქნება.  ეს მთავრობა უნდა გადადგეს. 100 კაცი დარჩება აქციის შემდეგ, რომელიც არ  იშიმშილებს,  მჯდომარე აქციას გამართავს.  პარლამენტთან შიმშილობა კი არ შეწყდება.სავარაუდოდ,  მომავალ კვირაში კიდევ გავმართავთ აქციას, იმის  შემდეგ კვირაში ორჯერ გავმართავთ აქციას, მთელი ქალაქი გადაიკეტება. გაიხსნას ბიულეტენები, რათა საჯაროდ დავინახოთ, ვინ რამდენი ხმა აიღო. ჩვენი მთავარი მოთხოვნაა, გადადგეს მთავრობა, თუმცა ყველა მოთხოვნა ძალაში რჩება. სოხუმი და ცხინვალი უნდათ, რომ გააჩუქონ, აჭარა უნდათ გააჩუქონ“,-აღნიშნა თარხან-მოურავმა.

ავტორი: ,

სოციალური ქსელები

უნგრეთის პარლამენტზე 12 წლის შემდეგ ევროკავშირის დროშა გადმოფინეს

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს