საქართველოში ევროკავშირის ელჩი იანოშ ჰერმანი  შენგენის ზონაში უვიზოდ მოგზაურთათვის ახალი რეგულაციების დაწესებას გამოეხმაურა.

როგორც ჰერმანმა აღნიშნა, ე.წ. ETIAS სისტემა ევროკავშირის უსაფრთხოების გაზრდას ემსახურება. მისივე განმარტებით, სისტემაზე მსჯელობა უკვე დიდი ხანია მიმდინარეობს. 

„ევროკომისიის წინადადება,  რომელიც 2020 წლიდან ე.წ. ETIAS სისტემის შემოღებას შეეხება, ემსახურება ევროკავშირის უსაფრთხოების გაზრდას და სავალდებულო გახდება მსოფლიოს ყველა ქვეყნის მოქალაქეებისთვის საქართველოს ჩათვლით, რომლებიც ევროკავშირში გაემგზავრებიან“,-განაცხადა ჰერმანმა.

ამასთან, ელჩის თქმით, აპლიკაციის შესავსებად მოქალაქეს 10 წუთი დასჭირდება.

"კიდევ ერთხელ მინდა აღვნიშნო, რომ სისტემა ამოქმედდება არა მხოლოდ საქართველოსთვის, არამედ ყველა ქვეყნისთვის, ვინც შენგენის ზონაში იმოგზაურებს. მოქალაქეს დასშიწრდება დაახლოებით 10 წუთი იმისათვის, რომ სპეციალურ საიტზე შეავსოს აპლიკაცია. ასევე უნდა გადაიხადოს 10 ევრო, რომელიც დრევანდელი კურსით 29 ლარს შეადგენს და აპლიკაცია იქნება მოქმედი შემდეგი 5 წლის განმავლობაში. ამ აპლიკაციას ექნება თავისი დადებითი მხარეები. მაგალითად, მოქალაქეს თავიდანვე ექნება ინფომრაცია მის შენგენის ზონაში შეშვებასთან დაკავშირებით", - განმარტა ელჩმა. 

ცნობისთვის, ევროპარლამენტმა შენგენის ზონაში უვიზოდ მოგზაურთათვის ახალი რეგულაციების დაწესებას მხარი დაუჭირა. კერძოდ, რეგულაციების დაწესების მომხრე 477 დეპუტატი იყო, ხოლო 139 დეპუტატი წინააღმდეგი იყო. 50 დეპუტატმა კენჭისყრაში მონაწილეობისგან თავი შეიკავა.

ავტორი: ,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები