„საარჩევნო ადმინისტრაცია სხვადასხვა პოლიტიკური სუბიექტების მოწოდების გარეშეც, რა თქმა უნდა, ისედაც იხელმძღვანელებს მხოლოდ საქართველოს კანონმდებლობით“,-ასე გამოეხმაურა ცენტრალური საარჩევნო კომისიის პრეს-სპიკერი ანა მიქელაძე „პატრიოტთა ალიანსისა“ და  სხვადასხვა პოლიტიკური სუბიექტების მოთხოვნებს.

„როგორც ხედავთ, ისინი ახლა მოვიდნენ, შესაბამისად, „პატრიოტთა ალიანსის“ მოთხოვნები ჯერჯერობით ჩვენთვის უცნობია. საარჩევნო ადმინისტრაცია სხვადასხვა პოლიტიკური სუბიექტების მოწოდების გარეშეც, რა თქმა უნდა, ისედაც იხელმძღვანელებს მხოლოდ საქართველოს კანონმდებლობით“,-აღნიშნა ანა მიქელაძემ.

„პატრიოტთა ალიანსის“ გამაფრთხილებელი აქცია  ცენტრალურ საარჩევნო კომისიასთან უკვე დასრულდა.

როგორც ალიანსის რეგიონული სამსახურის უფროსმა კახაბერ ღირსიაშვილმა ჟურნალისტებს განუცხადა,  აქვთ უტყუარი ინფორმაცია, რომ  ხელისუფლება არჩევნების გაყალბებას აპირებს. ამიტომ, ღირსიაშვილი ცესკო-ს მოუწოდებს,  გაყალბება არ დაუშვას:

„ჩვენ გვაქვს უტყუარი დამადასტურებელი ინფორმაცია,  რომ მზადდება გაყალბება. უნდა დაუწერონ  ბოკერიას და მის პარტიას ის პროცენტი, რომელსაც ის არ იმსახურებს. მოვედით და ვაფრთხილებთ ცესკო-ს, „პატრიოტთა ალიანსი არ დაუშვებს მსგავს რამეს. ხელისუფლება რასაც ეტყვის ცესკოს, იმას გააკეთებს ცსკო. ჩვენთან ერთად სააკაშვილის რეჟიმის წინააღმდეგ ვინც იბრძოდნენ, დღეს ისინი ძალიან ბევრნი არიან ხელისუფლებაში, გვაქვს  უტყუარი დამადასტურებელი ინფორმაცია“,-აღნიშნა კახაბერ  ღირსიაშვილმა.

თუმცა მას არ დაუსახელებია, კონკრეტულად რა ინფორმაციაზე დაყრდნობით ირწმუნებიან, რომ ხელისუფლება არჩევნების გაყალბებისთვის ემზადება.

ავტორი: ,

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში