მიხეილ სააკაშვილი ოდესაშია - „მადლობა, რომ გახსოვართ, მეც არ დაგივიწყებთ“

2017-09-30 18:30:02, 2492 ნახვა

მსოფლიო

საქართველოს მესამე პრეზიდენტი მიხეილ სააკაშვილი ოდესის ოლქში ჩავიდა და მხარდამჭერებს შეხვდა.

„პრიმორსკი ბულვარში“ ოდესის ყოფილ გუბერნატორს ასობით მხარდამჭერი დახვდა.

სააკაშვილმა შეკრებილებს სიტყვით მიმართა და დახვედრისთვის მადლობა გადაუხადა.

"მადლობა, რომ არ დაგავიწყდით, არც მე დამავიწყდებით. როდესაც 10 სექტემბერს საზღვარზე გადმოვდიოდი, მე ჩემმა მხარდამჭერებმა გადმომიყვანეს, მათი უმრავლესობა კი, ოდესის ოლქის მკვიდრი იყო. მინდა შევქმნათ ისეთი ქალაქი, საიდანაც მოსახლეობა არ გაიქცევა, ქალაქად სადაც ხალხი დაბრუნდება და ინვესტიციებს ჩადებს. ოდესა ბათუმზე დიდი უნდა გახდეს და ყველას ეამაყებოდეს აქ ცხოვრება. ოდესა საბჭოთა კავშირის დროს უფრო აყვავებული იყო, ვიდრე ახლა. იმიტომ, რომ მას ახლა "ბარიგები" ხელმძღვანელობენ. მინდა შევცვალო ხელისუფლება კიევში, თქვენი დახმარებით, შემდეგ კი, თქვენთან ერთად დავბრუნდე ოდესაში და შევცვალე ეს ქალაქი", - განაცხადა სააკაშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები