ზურაბ სოტკილავას გარდაცვალება სრულიად საქართველოსთვის უდიდესი დანაკლისია, - ამის შესახებ საოპერო მომღერალმა, ნინო სურგულაძემ განაცხადა.

როგორც სურგულაძემ აღნიშნა, სოტკილავა პატრიოტიზმის და ადამიანობის მაგალითია.

„პირადად მე მაქვს ძალიან ბედნიერი მოგონებები მასთან დაკავშირებით. ჩემთვის, ისევე როგორც ყველა ქართველისთვის, სოტკილავა არის პატრიოტიზმის და ადამიანობის მაგალითი. არ მეგულება ადამიანი არც საქართველოში და არც მის გარეთ, ვისაც სოტკილავა არ უყვარდა. ყველა განიცდის ამ დანაკლისს. მქონდა პატივი, მასთან ერთად მემღერა. სულ ახლახანს ერთად საქველმოქმედო კონცერტზე ვიმღერეთ.  შემიძლია თამამად ვთქვა, რომ დიდი ბოძი წაიქცა, ქართული ხელოვნების და ადამიანობის მაგალითი“, - აღნიშნა სურგულაძემ.

ამასთან, იგი  საოპერო მომღერალ ცისანა ტატიშვილის გარდაცვალებასაც გამოეხმაურა:

„შევიტყვე ქალბატონი ცისანას გარდაცვალების შესახებ. ამ ორი დიდი, ბუმბერაზი ადამიანის დაკარგვა ძალიან დიდი ტკივილია. ისინი ხელიდან გამოგვეცალნენ“, - განაცხადა სურგულაძემ.

ცნობისთვის, თბილისის ოპერისა და ბალეტის თეატრში ზურაბ სოტკილავას სამოქალაქო პანაშვიდი მიმდინარეობს.

ავტორი: ,

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია