18 სექტემბერს, ნიუ იორკში, ფორდჰემის  საერთაშორისო ჰუმანიტარული საქმეების უნივერსიტეტის (აშშ) მიერ ორგანიზებულ ბლოკჩეინის ტექნოლოგიის სამიტისათვის მოსამზადებელ ღონისძიებაზე საქართველოში, უძრავი ქონების სარეგისტრაციო ტრანზაქციებში ბლოკჩეინის ტექნოლოგიის დანერგვის მაგალითი  განიხილეს.

საჯარეო რეესტრის ეროვნული სააგენტოს ინფორმაციით, ღონისძიების ორგანიზატორთა ინიციატივით, საქართველოს შესახებ პრეზენტაცია ბლოკჩეინის საერთაშორისო სამიტზეც იქნება წარმოდგენილი, რომელიც ნიუ იორკში 10 ნოემბერს გაიმართება. ღონისძიების მხარდამჭერი პარტნიორები არიან გაეროს პროგრამები და ფონდები: UNDP, UNICEF  და სხვადასხვა საერთაშორისო ორგანიზაციები.

სამიტზე სხვადასხვა ქვეყნებიდან მოწვეული მომხსენებლები, ექსპერტები,  აკადემიური წრეების, სახელმწიფო თუ კერძო სექტორის წარმომადგენლები  ბლოკჩეინის ინოვაციური  ტექნოლოგიის გამოყენების მიმართულებით განხორციელებულ საქმიანობებს, მიმდინარე და  დაგეგმილ აქტივობებს, საპილოტო თუ რეალურ რეჟიმში ამოქმედებულ  პროექტებს  მიმოიხილავენ.

საქართველო მსოფლიოში ერთ-ერთი პირველი ქვეყანაა, რომელმაც ბლოკჩეინის ტექნოლოგიური მიღწევა უძრავი ქონების რეგისტრაციაში წარმატებით გამოიყენა. სწორედ ამან განაპირობა საქართველოთი ბლოკჩეინის საერთაშორისო სამიტის ორგანიზატორთა დაინტერესება.   უძრავ ქონებასთან დაკავშირებული სარეგისტრაციო ტრანზაქციები ბლოკჩეინში ინტეგრირებით მეტად დაცული, მსოფლიო მასშტაბით ხელმისაწვდომი და გამჭვირვალე გახდა.

https://unite.un.org/sites/unite.un.org/files/session_4_4_lighning_fordham_blockchain_summit_final.pdf

(NS)

ავტორი: ,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში