ლვოვის ოლქის მოსტისკის რაიონულ სასამართლოში, სადაც საქართველოს ყოფილი პრეზიდენტის მიხეილ სააკაშვილის მიერ საზღვრის უკანონო გადაკვეთის შესახებ ადმინისტრაციული ოქმი გადაიგზავნა, მოსამართლეები არ არიან, - ამის შესახებ Strana.ua იუწყება.

მედია საშუალების ინფორმაციით, სასამართლო რეფორმის გამო მოსტისკის რაიონულ სასამართლოში მხოლოდ ორი მოსამართლე დარჩა - იური კიჩაკი და იური ბილოუსი. იური კიჩაკს 5-წლიანი ვადა ამოეწურა, ვინაიდან ის თანამდებობაზე ჯერ კიდევ 2009 წელს პრეზიდენტ ვიქტორ იუშჩენკოს განკარგულებით დაინიშნა.

რაც შეეხება იური ბილოუსს, ის ერთადერთი მოქმედი მოსამართლეა, თუმცა შვებულებაშია გასული. ბოლო საქმე ბილოუსმა 25 აგვისტოს განიხილა. სასამართოს პრესსამსახურის ინფორმაციით, მუშაობა 18 სექტემბერს უნდა განახლდეს, ვინაიდან იური ბილოუსი შვებულებიდან დაბრუნდება.

მანამდე სასამართლოში აცხადებდნენ, რომ მიხეილ სააკაშვილის საქმეს 18 სექტემბერს განიხილავდნენ, თუმცა სასამართლოს საქმეებში სააკაშვილის საკითხი არ ფიგურირებს.

მოსამართლის დაბრუნების შემდეგ უნდა დაინიშნოს ახალი თარიღი, რის შემდეგადაც მონაწილე მხარეებს აღნიშნულის შესახებ შეატყობინებენ.

ამის შემდეგ დაინიშნება სხდომის თარიღი და დრო, ხოლო მხარეებმა სასამართლოს უწყებები უნდა მიიღონ. ადმინისტრაციული ოქმის განხილვა შესაძლოა რამდენიმე კვირით გაიწელოს.

ავტორი: ,

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა