„ჰარვის“ შედეგად დაზარალებულების დასახმარებლად, აშშ-ის ბიუჯეტიდან 15 მილიარდი დოლარი გამოიყოფა

2017-09-09 06:51:44, 2595 ნახვა

მსოფლიო

ამერიკის შეერთებული შტატების პრეზიდენტმა დონალდ ტრამპმა კანონპროექტს მოაწერა ხელი, რომლის თანახმადაც ქარიშხალ "ჰარვის" შედეგად დაზარალებულების დასახმარებლად ბიუჯეტიდან 15 მილიარდი დოლარი გამოიყოფა, - ამის შესახებ ინფორმაციას თეთრი სახლი ავრცელებს.

კერძოდ, კანონპროექტის თანახმად გამოყოფილი თანხა სტიქიის შედეგად განადგურებულ ინფრასტრუქტურას, უსაფრთხოების გაუმჯობესებას და შესაბამისი უწყებების მუშაობის გაუმჯობესებას მოხმარდება.

ცნობისთვის, ქარიშხალი "ჰარვი" აშშ-ის 26 აგვისტოს დაატყდა თავს. "ჰარვის" გამო დაღუპულთა რიცხვმა 70-ს მიაღწია. ცნობილმა ადამიანებმა დაზარალებულების დასახმარებლად სპეციალური კამპანია წამოიწყეს. დაზარალებულების ანგარიშზე Hollywood-ის მსახიობებმა ათასობით დოლარი ჩარიცხეს. მაგალითად მსახიობმა ლეონარდო დიკაპრიომ დაზარალებულთა დასახმარებლად მილიონი დოლარი გადარიცხა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები