საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე კიდევ ერთხელ მადლობა გადაუხადა ყველას, ვინც ბორჯომის ხეობაში ხანძრის სალიკვიდაციო სამუშაოებში მონაწილეობდა.

ამასთან, გიორგი კვირიკაშვილმა ფინანსთა მინისტრს პრემირების საკითხის უმოკლეს დროში გადაწყვეტა დაავალა. გიორგი კვირიკაშვილის შეფასებით, სტიქიასთან ბრძოლაში ჩართული ადამიანები უნდა წახალისდნენ:

"ბორჯომის ხეობაში, წაღვერის მახლობლად საკმაოდ მასშტაბური ხანძარი ჩაქრა ძალიან ბევრი ადამიანის ძალისხმევით. ეს იყო ერთობლივი ძალისხმევა, ძალიან კოორდინირებული მუშაობა ბევრი სახელმწიფო და კერძო უწყების. მინდა ყველა ადამიანს გადავუხადო მადლობა, ვინც იქ საკუთარი სიცოცხლის რისკის ფასად ებრძოდა მართლაც გამძინვარებულ სტიქიას, მასშტაბი ახლა ფასდება და საკმაოდ დიდი იყო მასშტაბი, ეს იყო 3 ათასზე მეტი ადამიანი, რომელიც ჩაქრობაში მონაწილეობდა. ეს იყო ჩვენი მეხანძრე-მაშველები, მეტყევეები, საგანგებო დავალებათა დეპარტამენტის თანამშრომელბი, პოლიციელები, ჯარისკაცები, ექიმები, ასევე ენერგეტიკის და სოფლის მეურნეობის სფეროს წარმომადგენლები, ასევე ჩვენი მოსახლეობის ნაწილი და კერძო სექტორის წარმომადგენლები, რომლებმაც ძალიან დიდი დახმარება გაგვიწიეს ტექნიკით. ერთობლივი ძალისხმევით შევძელით, რომ პირველ რიგში ადამიანების სიცოცხლე და ქონება გადაგვერჩინა და ასევე ტყის ძალიან დიდი მასივი გადავარჩინეთ. ეს რისკი ნამდვილად არსებობდა და ვფიქრობ, ღირსეულად დავძლიეთ ეს გამოწვევა. ასეთი გამოწცვევის დროს შესაბამისი დასკვნების გამოტანაა საჭირო. ფინანსთა მინსიტრს მინდა დავავალო, რომ პრემირების საკითხი უმოკლეს დროში მოგვარდეს, ვინც იყო ამ სტიქიაში ჩართული, მათ ნადმვილად ეკუთვნით წახალისება და ეს არის ბუნებრივი”,-განაცხადა გიორგი კვირიკაშვილმა.

ავტორი: ,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე