ახალი სასწავლო წლიდან, განათლებისა და მეცნიერების სამინისტრო თბილისის მასშტაბით 10 სკოლას ვაშლით მოამარაგებს, - ამის შესახებ "ექსპრესნიუსს" უწყებაშ განუცხადეს.

როგორც განათლების სამინისტროში აცხადებენ, აღნიშნული კამპანია ჯანსაღი ცხოვრების პოპულარიზაციას ემსახურება.

მათივე თქმით, თავდაპირველად სამინისტრო დედაქალაქის მასშტაბით 10 ყველაზე დიდ სკოლას შეარჩევს და მათ მოამარაგებს. ამის შემდეგ კამპანია საქართველოს მასშტაბით ჩატარდება და ყველა სკოლას მოიცავს.

სამინისტროში განმარტავენ, რომ პროექტი „ჯანსაღი ცხოვრების წესი“ საპილოტე რეჟიმში ხორციელდება და პირველ ეტაპზე მხოლოდ დედაქალაქის რამდენიმე სკოლას მოიცავს. უწყებაში ამბობენ, რომ სკოლების ვაშლებით მომარაგებაზე ტენდერი გამოცხადდება. 

"სამინისტრო თბილისის რამდენიმე დიდკონტინგენტიან სკოლაში საპილოტე პროექტს განახორციელებს - კვირაში ერთხელ მოსწავლეები დასვენებაზე ვაშლს მიიღებენ, რაც  წინაპირობა გახდება იმისა, რომ სამინისტროს მიერ ინიცირებულ კამპანიაში, შემდეგში მოსწავლეთა მშობლებიც აქტიურად ჩაერთნენ.

სკოლებში ვაშლის შეტანა სექტემბრიდან დეკემბრამდე პერიოდი გაგრძელდება და მასში 10 სკოლის 20 000-მდე ბავშვი ჩაერთვება. 2017-2018 სასწავლო წელს კი, პროექტი  ქვეყნის მასშტაბით, სხვა სკოლებსაც მოიცავს", - აცხადებენ განათლების სამინისტროში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარასთან ახლოს უკრაინის თავდასხმის შემდეგ, ევროპაში ერთ-ერთი უდიდესი ნავთობის საწყობი მეორე დღეა იწვის.

Axios: აშშ-ის შუალედური არჩევნების შედეგად, შესაძლოა, ტრამპმა კონგრესზეც კონტროლი დაკარგოს

ტრამპმა გუამში რესპუბლიკელის გამარჯვებას აშშ-ის არჩევნებზე კარგი ნიშანი უწოდა

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო