თბილისის მერმა დავით ნარმანიამ კიდევ ერთი საბავშვო ბაღის მშენებლობას ჩაუყარა საფუძველი.

როგორც "ექსპრესნიუსს" დედაქალაქის მერიიდან აცნობეს, 8-ჯგუფიანი საბავშვო ბაღი ნაძალადევის რაიონში,  გურამიშვილის 4 ნომერში შენდება.

ახალი შენობა მოქმედი  56-ე ბაღის ეზოში განთავსდება.  ეზოს ტერიტორიული ფართობიდან გამომდინარე, რომელიც 7000 კვადრატული მეტრია, ბაღების მართვის სააგენტომ იქ  ახალი ბაღის მშენებლობის გადაწყეტილება მიიღო. 

სიმბოლური კაფსულა შენობის საძირკველში დავით ნარმანიამ საკრებულოს თავმჯდომარე გიორგი ალიბეგაშვილთან და ბაგა-ბაღების მართვის სააგენტოს ხელმძღვანელ თემურ თორდინავასთან ერთად ჩადო.

„დაიწყო კიდევ ერთი ახალი საბავშვო ბაღის მშენებლობა, რომელიც ძალიან მნიშვნელოვანი პროექტია და გურამიშვილის გამზირზე მცხოვრებლებს მოემსახურება. იმის გამო, რომ, აქვე, ეზოში არსებულ 56-ე ბაღზე მოთხოვნა საკმაოდ დიდიაა, ბაღი კი საკმარისი რაოდენობის ბავშვებს ვერ იტევდა,  მის მომიჯნავედ დავიწყეთ ახალი ბაღის მშენებლობა. ბაღის მშენებლობა ერთ წელში დასრულდება და მივიღებთ ყველა იმ ბავშვს, რომელიც ელოდება ახალ ბაღს“- განაცხადა დავით ნარმანიამ. 

ახალი საბავშვო ბაღი 2018 წელს გაიხსნება და ის იქნება   მესამე ახალი ბაღი ნაძალადევის რაიონისთვის ბოლო ორი  წლის განმავლობაში. 
ბაღში ბაგის 2  და  სამიდან ექვს წლამდე 6 ასაკობრივი ჯგუფი იქნება. დასაქმდება 60-მდე ადამიანი. 

საბავშვო ბაღი 2018 წლის პირველ ნახევარში დასრულდება და 300-მდე ბავშვს მიიღებს. 

ღონისძიებაზე მერთან ერთად იმყოფებოდნენ ნაძალადევის რაიონის გამგებელი ირაკლი ხელაძე, პარლამენტის და საკრებულოს ნაძალადევის რაიონის მაჟორიტარი დეპუტატები. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს