შინაგან საქმეთა სამინისტროს განსაკუთრებულ დავალებათა დეპარტამენტს აშშ-ს ენერგეტიკის სახელმწიფო დეპარტამენტმა საჩუქრად გადასცა ბირთვული და რადიაციული საფრთხეების აღმომჩენი ორი სპეციალური მანქანა, რომლებიც აღჭურვილია თანამედროვე აპარატურით.

განსაკუთრებულ დავალებათა დეპარტამენტის თანამშრომლები აღნიშნული ავტომანქანების მეშვეობით ოკუპირებული ტერიტორიების გამყოფი ხაზის მიმდებარე ტერიტორიებზე ქიმიური, ბირთვული, რადიაციული და ბიოლოგიური მიმართულებით არსებული პოტენციური საფრთხეების პრევენციას, აღმოჩენას და მათზე შემდგომ რეაგირებას უზრუნველყოფენ.

მიმდინარე წლის 14-18 მაისს აშშ-ს ენერგეტიკის სახელმწიფო დეპარტამენტის ექსპერტებმა შინაგან საქმეთა სამინისტროს განსაკუთრებულ დავალებათა დეპარტამენტის ქიმიური, ბიოლოგიური, რადიაციული და ბირთვული საშიშროების აღმოჩენის სპეციალური სამმართველოს 18 თანამშრომელს 5 დღიანი ტრენინგი ჩაუტარეს, რომელიც ბირთვული და რადიაციული საფრთხეების აღმომჩენი მანქანების მუშაობის მექანიზმის შესწავლას და მათ სწორად გამოყენებას მოიცავდა.

კურსი თბილისში, ამავე სამმართველოს განახლებულ ადმინისტრაციულ შენობაში ჩატარდა.

კურსდამთავრებულებს შინაგან საქმეთა მინისტრის მოადგილე მერაბ მალანიამ, შინაგან საქმეთა განსაკუთრებულ დავალებათა დეპარტამენტის დირექტორმა გიორგი ყაყიჩაშვილმა და აშშ-ს ენერგეტიკის სახელმწიფო დეპარტამენტის ბირთვული კონტრაბანდის აღმოჩენისა და შეკავების დანაყოფის რეგიონულმა მრჩეველმა სანდრო ვოლსკიმ შესაბამისი სერთიფიკატები გადასცეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა