საქართველოს პარლამენტში კომიტეტებმა "საქართველოს ადგილობრივი თვითმმართველობის კოდექსისა" და "საარჩევნო კოდექსთან" დაკავშირებით პრეზიდენტის მოტივირებული შენიშვნების განხილვა დაიწყო.

რეგიონული პოლიტიკისა და თვითმმართველობის კომიტეტის სხდომაზე პრეზიდენტის მოტივირებული შენიშვნები საპარლამენტო მდივანმა წარადგინა.

ანა დოლიძის განცხადებით, პრეზიდენტის მოტივირებული შენიშვნების მთავარი არსი ორივე კანონთან დაკავშირებით არის ის, რომ ეს კანონები აუარესებენ დემოკრატიის ხარისხს და წარმოადგენენ "ქართული ოცნების" მიღწევების უკან შემოტრიალებას, განსაკუთრებით, თვითმმართველობის სფეროში.

"საქართველოს პარლამენტი კიდევ ერთხელ უნდა დაფიქრდეს, სანამ ხმას მიცემს ამ კანონს - ბუნებრივია, თვითმმართველობის კიდევ უფრო დაშორებას ხალხთან და ცენტრალური საარჩევნო ადმინისტრაციის მიუკერძოებლობის დარღვევას, ანუ ცესკოში მმართველი პარტიის დომინირებას არ შეიძლება დემოკრატიულობის თვალსაზრისით კარგი შედეგი მოჰყვეს," - აღნიშნა ანა დოლიძემ.

ანა დოლიძის განცხადებით, მოტივირებულ შენიშვნებში პრეზიდენტის მოსაზრება ეყრდნობა ძირითად კონსტიტუციურ ფასეულობებს.

"ის, რომ ხელისუფლების წყაროა ხალხი, რომ ხელისუფლების ვალია ხალხის მსახურება, ის რომ ხალხს უნდა მიეცეს საშუალება საკუთარი თავი მართოს თვითმმართველობის მეშვეობით, ეს ყველაფერი კონსტიტუციური პრინციპებია და პრეზიდენტის მოტივირებული შენიშვნები, სწორედ ამ კონსტიტუციური პრინციპებიდან ამოდის", - აღნიშნა ანა დოლიძემ ჟურნალისტებთან საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში