“თიბისი ბანკისა”  და ჯეოსელის ერთობლივი პროექტის „ბიზნესდაჯილდოება 2017-ის" ფარგლებში, აბასთუმანში, ასტროფიზიკური ობსერვატორიის ტერიტორიაზე, ჯეოსელმა ნომინაციის „წლის ინოვაციური ბიზნესი" პრეზენტაცია გამართა.

“თიბისი ბანკის” საზოგადოებასთან ურთიერთობის სამსახურის ინფორმაციით,  პრეზენტაციაზე შეკრებილ საზოგადოებას პირველ ეტაპზე დარეგისტრირებული კომპანიები წარუდგინეს.

მათივე ინფორმაციით, ღონისძიების მთავარი მიზანი  თბილისს გარეთ, ერთ-ერთ ყველაზე საინტერესო სამეცნიერო კვლევების და აღმოჩენების ადგილას იმ წამოწყებებისა და გამოგონებების თავმოყრა იყო, რომლებიც ბიზნესის და ზოგადად, ქვეყნის განვითარებისთვის ძალიან მნიშვნელოვანია.

ნომინაცია „წლის ინოვაციური ბიზნესი"  გულისხმობს როგორც ტექნოლოგიურ, ასევე ბიზნეს პროცესების ინოვაციურ მიდგომას.

ამიტომ, წარმოდგენილი კომპანიები გამოირჩევიან თემების მრავალფეროვნებით.

აბასთუმნის პრეზენტაციზე ყველა მონაწილე კომპანიას მიეცა საშუალება წარედგინა თავისი ბიზნესი,  გაეზიარებინათ ერთმანეთისთვის გამოცდილება და  გაეცნოთ საზოგადოებისთვის თავიანთი მიღწევები და გეგმები.

პრეზენტაციის დასაწყისში ბიზნესდაჯილდოების პროექტისა და კერძოდ, ნომინაციის „წლის ინოვაციური ბიზნესის" შესახებ ისაუბრეს ჯეოსელის ბიზნეს მიმართულების დირექტორმა, მალხაზ ჟორჟიკაშვილმა და თიბისი ბანკის  გენერალური დირექტორის მოადგილემ  ნიკა ქურდიანმა.

ბიზნესდაჯილდოებას თიბისი ბანკი და ჯეოსელი წარმოგიდგენთ, პროექტის  მიზანია ხელი შეუწყოს საქართველოში  ახალი ბიზნესების შექმნას  და  მხარი დაუჭიროს არსებული ბიზნესების განვითარებას.

დაჯილდოების მთავარი სლოგანია #გააზიარეწარმატება.

ორგანიზატორები პროექტში მონაწილე კომპანიებს შესაძლებლობას აძლევენ, თავიანთი წარმატების ისტორიები  სოციალური ქსელების და მედიის მეშვეობით მთელ  საქართველოს გაუზიარონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციის ალიანსი მიხეილ სააკაშვილის განცხადებებს ემიჯნება და მას კონფრონტაციულს უწოდებს

სუს-ი აღიარებს, რომ რუსეთი საქართველოს ტერიტორიების ანექსიას აწყობს

ბერ ნიკოლოზ (ნარიმან) მაქარაშვილს 23 აპრილს ჯიქიას სასაფლაოზე დაკრძალავენ

რუსეთმა ბიუჯეტის დეფიციტის დასაფინანსებლად 22 ტონა ოქრო გაყიდა