თბილისის საქალაქო სასამართლოში ე.წ. ციანიდის საქმეზე პატრიარქის ქორეპისკოპოსის, მეუფე იაკობის დაკითხვა დასრულდა.

მეუფე იაკობმა სასამართლოს მიმდებარე ტერიტორია უკვე დატოვა.

როგორც მეუფე იაკობმა ჟურნალისტებს განუცხადა, ყველა კითხვას ამომწურავი პასუხი გასცა.

"დაკითხვიდან გამომიშვეს. ამომწურავი პასუხი გავეცი ყველაფერს. სიმართლე გაირკვევა", - აღნიშნა მეუფემ.

ჟურნალისტის კითხვაზე - უსვამდა თუ არა კითხვებს თავად ბრალდებული, მეუფე იაკობმა განაცხადა, რომ "კითხვებს ყველა უსვამდა, მათ შორის დეკანოზიც", თუმცა ქორეპისკოპოსს არ დაუკონკრეტებია რა სახის კითხვები იყო დეკანოზის მხრიდან გაჟღერებული.

"მამა გიორგი მამალაძეს კითხეთ ეგ", - დასძინა მან.

ცნობისთვის, დღეს სასამართლოში პატრიარქის მდივან-რეფერენტი შორე თეთრუაშვილიც იმყოფებოდა. მისი დაკითხვა თითქმის 3 საათის განმავლობაში მიმდინარეობდა. მან სასამართლოს მიმდებარე ტერიტორია ცოტა ხნის წინ, უკომენტაროდ დატოვა.

შეგახსენებთ, ე.წ. ციანიდის საქმის არსებითი განხილვა დღეს კვლავ ბრალდების მხარის მოწმეების დაკითხვით განახლდა.

საქმეზე უკვე დაიკითხნენ თბილისის საერთაშორისო აეროპორტის უსაფრთხოების თანამშრომლები, რომლებსაც პროკურატურის ინფორმაციით, უშუალოდ ჰქონდათ შეხება ბარგის ამოღებასთან და  დალუქვასთან, ასევე გამომძიებლები, რომლებმაც ამოიღებს ბრალდებულის ბარგი და ასევე ჩაატარეს ჩხრეკა მამა გიორგი მამალაძის სახლში. დაკითხულია ბრალდების მხარის ე.წ. ოქროს მოწმე, ჟურნალისტი ირაკლი მამალაძე, ბრალდებულ გიორგი მამალაძის ბინის მეპატრონე, სადაც პროკურატურისვე ცნობით, დეკანოზი უანგაროდ ცხოვრობდა,  ადვოკატები-ირმა ჭკადუა და ლილი გელაშვილი, რომლებმაც ბრალდების მხარის მთავარ მოწმეს, ირაკლი მამალაძეს ურჩიეს, საგამოძიებო ორგანოებისთვის მიემართა,  დაკითხულები არიან მამა გიორგი მამალაძის მეზობლები და  სხვა პირები. საერთო ჯამში ე.წ. ციანიდის საქმეზე პროკურატურა 120-მდე მოწმის დაკითხვას აპირებს. როგორც პროკურორები  ამბობენ, აუცილებლად დაიკითხება  საქმეში დაზარალებულად ცნობილი, პატრიარქის მდივან-რეფერენტი შორენა თეთრუაშვილი, თუმცა როდის მოხდება მისი  დაკითხვა, ჯერჯერობით უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ომბუდსმენის აპარატში რეორგანიზაციის შედეგად სამი დეპარტამენტი გაუქმდა, მათ შორის გენდერის საკითხების

Visa+ საქართველოში - თიბისი და Visa საერთაშორისო გადარიცხვებს ამარტივებენ

ჩვენი სახელით სესხს სთავაზობენ - ეროვნული ბანკი მოქალაქეებს აფრთხილებს

გვარამიამ ითხოვა, დადგინდეს ომის დაწყებაზე რა პოზიცია აქვს ხელისუფლებას საერთაშორისო დონეზე - საკონსტიტუციომ არ დააკმაყოფილა