მამა გიორგი მამალაძის სახაზინო ადვოკატის პაატა მეხრიშვილის განცხადებით, დღეს დაიკითხნენ საპატრიარქოს ოქრომჭედლები და სხვა პირები, რომლებსაც რეალურად საქმესთან შემხებლობა არ აქვთ.

როგორც მეხრიშვილმა "ექსპრესნიუსს" განუცხადა, ოქრომჭედლებმა საკუთარ ჩვენებაში აღნიშნეს, რომ თავად ციანიდს არ იყენებენ.

მეხრიშვილი ამბობს, რომ ისინი ვიწრო სპეციალიზაციის ოქრომჭედლები არიან და ამზადებენ მხოლოდ სამაჯურებს, პატრიარქის ლოცვა-კურთხევით.

"დაიკითხნენ მოწმეები, რომლებსაც განსახილველ საკითხთან არანაირი შემხებლობა არ აქვთ. იცით, რომ მამა გიორგი მამალაძეს ორი ბრალდება აქვს წაყენებული და არც ერთ ბრალდებასთან შეხება არ აქვთ. არიან ოქრომჭედლები, რომლებიც ამბობენ, რომ ციანიდს თვითონ არ გამოიყენებენ. არიან ვიწრო სპეციალიზაციის ოქრომჭედლები, რომლებსაც აქვთ ძალიან ვიწრო შეხება ამ საკითხთან. ამზადებენ მხოლოდ სამაჯურებს პატრიარქის ლოცვა კურთხევით და არანაირი სხვა ფართო შემხებლობა არ აქვთ. საპატრიარქოს ოქრომჭედლები არიან, შიგნით საპატრიარქოში არის პატარა საოქრომჭედლო", - განაცხადა პაატა მეხრიშვილმა.

 მისივე ინფორმაციით, საპატრიარქოს აქვს სხვა საოქრომჭედლო სახელოსნოებიც, უფრო დიდი და მოცულობითი.

ადვოკატის განმარტებით, დღეს დაკითხულმა ოქრომჭედლებმა აღნიშნეს, რომ აქვთ ინფორმაცია იყენებენ თუ არა იქ ციანიდს რაღაც ფორმით.

გარდა ამისა, პაატა მეხრიშვილის თქმით, დღევანდელ პროცესზე დაიკითხა პატრიარქის მდივან-რეფერენტის, შორენა თეთრუაშვილის ექიმი.

"რომელმაც თქვა, რომ ვუმკურნალე თეთრუაშვილს მოტეხილ ფეხზეო. მალამო გამოვიყენე, რომელშიც არ გამომიყენებია არც ციანიდი და არც რომელიმე გველის შხამიო.  ეს არ გამორიცხვას იმას, რომ საერთოდ არ გამოიყენება გველის შხამი ამ მალამოებში. იმიტომ, რომ დაკითხული იყო სხვა მოწმე ექიმი, რომელმაც თქვა რომ, გამოიყენება. აფთიაქშიც კი, იყიდება რაღაც სხვა წამლების შემცველობასთან ერთად", - განაცხადა პაატა მეხრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას