ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე საქართველოში ვიზიტით მყოფ თაღლითობის წინააღმდეგ ბრძოლის ევროკავშირის ოფისის (OLAF) გენერალურ დირექტორს ჯოვანი კესლერს შეხვდა.

როგორც შეხვედრის დაწყების წინ მინისტრმა ჟურნალისტებს განუცხადა, კესლერი თაღლითობის წინააღმდეგ ბრძოლაში სერიოზული წარმატებით გამოირჩევა. 

„ის არის ერთ-ერთი  ძალიან მნიშვნელოვანი და სერიოზული ოფისის დირექტორი ევროკავშირში. ბატონი კესლერი  თავად გამოირჩევა ძალიან სერიოზული   წარმატებით თაღლითობის წინააღმდეგ ბრძოლის თვალსაზრისით, მათ შორის მის ქვეყანაში იტალიაში. მან ამ კუთხით სერიოზული რეფორმები გაატარა. ვფიქრობ ძალიან მნიშვნელოვანია პირველად საქართველოში მისი ვიზიტი, სადაც თავის კოლეგებთან ერთად და ჩვენთან ერთადაც ექნება იმის საშუალება, რომ  შეაფასოს საქართველოში მიმდინარე რეფორმები და  ევროკავშირთან მაქსიმალური დაახლოება. ჩვენ როგორც ფორმალურ, მოგვიანებით კი არაფორმალურ ვითარებაში გვექნება საშუალება, რომ გავიაროთ ერთად ყველა მნიშვნელოვანი საკითხი. მოხარული ვართ, რომ იგი თბილისში იმყოფება“,-განაცხადა დოლიძემ.  

შეხვედრაზე განსაკუთრებული აქცენტი კორუფციასთან ბრძოლის წინააღმდეგ საქართველოს მიერ მიღწეულ პროგრესზე გაკეთდა.

შეხვედრაზე ასევე  საქართველო-ევროკავშირის ასოცირების შეთანხმებით გათვალისწინებული თაღლითობის წინააღმდეგ მიმართული დებულებების საკითხი განიხილეს, რომელიც მომავალში ევროკავშირის ფინანსური დახმარების პროგრამებსა და პროექტებზე უნდა გავრცელდეს.

ვიზიტის მიზანია საქართველოში მიმდინარე რეფორმების გაცნობა, მათ შორის საქართველო-ევროკავშირის ასოცირების შეთანხმებით მიმდინარე ევროინტეგრაციის პროცესის განხილვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე