ამერიკის შეერთებულ შტატებში დაკავებული ქართველი სპორტსმენის ავთანდილ ხურციძის მშობლები იმედოვნებენ, რომ მათ შვილს სასამართლო ერთ კვირაში გაათავისუფლებს.

როგორც სპორტსმენის დედამ, მაყვალა ხურციძემ საზოგადოებრივთან საუბარში აღნიშნა, ის შვილს ცოტა ხნის წინ ტელეფონით ესაუბრა.

„მან მითხრა, რომ ერთ კვირაში სასამართლო პროცესი გაიმართება, სადაც მას სავარაუდოდ, უდანაშაულოდ ცნობენ და გაათავისუფლებენ“, - განაცხადა ხურციძემ.

მისივე თქმით, მას შვილის უდანაშაულობაში ეჭვი არ ეპარება.

შეგახსენებთ, რომ ნიუ-იორკში 15 ქართველი დააკავეს, რომლებსაც ბრალი რუსული კრიმინალური სინდიკატის წევრობაში ედებათ. მათ შორისა ორი ქართველი სპორტსმენი - ავთანდილ ხურციძე და ლევან მაყაშვილი იყვნენ. ლევან მაყაშვილი შერეული ორთაბრძოლების ჩემპიონატის UFC-ს მებრძოლია. იგი დაკავებიდან რამდენიმე 1 კვირაში გაათავისუფლეს.

რაც შეეხება ავთანდილ ხურციძეს, იგი მსოფლიო ბოქსის ორგანიზაციის WBO-ს ვერსიით დროებითი მსოფლიო ჩემპიონი იყო, თუმცა დაკავების შემდეგ მას აღნიშნული ტიტული ჩამოერთვა.

ხურციძეს ბრალად ე.წ. შულაიას კრიმინალური სინდიკატის წევრობა ედება და გამოძიების მტკიცებით, არაერთ მძიმე დანაშაულშია მხილებული. ის ამჟამად წინასწარ პატიმრობაში იმყოფება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა