ე.წ. ციანიდის საქმეში ბრალდებული დეკანოზის, გიორგი მამალაძის ახლობლები პროკურატურასთან აქციებს აანონსებენ.

როგორც ჟურნალისტებს საქალაქო სასამართრლოში დეკანოზის ნათლულის ძმამ ოთარ მამარდაშვილმა  განუცხადა, მათი მთავარი მოთხოვნაა,  საქმეზე მიმდინარე პროცესები საჯარო იყოს.

მამა გიორგი მამალაძის მხარდამჭერები, სავარაუდოდ, პირველ აქციას მიმდინარე კვირაში გამართავენ.

„რაც შეეხება პროტესტს, ლამის უკვე ნახევარი თბილისი აჭრელებულია წარწერებით- „თავისუფლება მამა გიორგის“.  დარწმუნებული იყოს პროკურატურა და მისი წარმომადგენელი, სანამ პროცესი არ გაიხსნება, არ მოვასვენებთ. სწორედ ამას ითხოვს მამა გიორგი, რადგან მას საზოგადოებისთვის დასამალი არაფერი აქვს. პროკურატურა  დარწმუნებული იყოს, რომ კიდევ ერთხელ გადატყდება წელში“,-აღნიშნა ოთარ მამარდაშვილმა.

მისივე განმარტებით, დიდი იმედი არ აქვს, რომ მათი პროტესტი შედეგს გამოიღებს, თუმცა  აქციით სურთ  საზოგადოებას დაანახონ, რომ მამა გიორგი მარტო არ არის.

„დროა, საზოგადოება გამოფხიზლდეს, დუმილი დანაშულია, როცა უდანაშაულოდ სჯიან ადამიანს“,-განუცხადა ჟურნალისტებს მამა გიორგი  მამალაძის ნათლულის ძმამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს