ექსპერტ გია ხუხაშვილის შეფასებით, მისთვის პარლამენტის ყოფილი თავმჯდომარის დავით უსუფაშვილის პოლიტიკური მოძრაობის პერსპექტივები ბუნდოვანია.

თუმცა, როგორც მან „ექსპრესნიუსს“ განუცხადა, იქიდან გამომდინარე, რომ  ზოგადად მესამე არჩევანზე  მოთხოვნილება ძალიან მაღალია, შესაძლოა,  არჩევნებზე რაღაც შედეგი აჩვენონ.

ამასთან, ხუხაშვილი სიის შემადგენლობიდან გამომდინარე, სადაც ახალი სახეების  ძირითადი ბაზა „ეროვნული ფორუმიდანაა“, ფიქრობს, რომ დავით უსუფაშვილი  „ეროვნულ ფორუმს“ შეუერთდა:

„გამომდინარე იქიდან, რომ ზოგადად მოთხოვნილება მესამე არჩევანზე ძალიან მაღალია, შეიძლება რაღაც შედეგი აჩვენო. საერთოდ, დავით უსუფაშვილი ქართული პოლიტიკისთვის არ არის დასაკარგი. ის პოლიტიკური ავტორიტეტია და ნამდვილად  მისასალმებელია მისი აქტიური პოლიტიკური მოღვაწეობა, თუმცა მე ვერ გავიგე, რატომ ითვლება, რომ დავით უსუფაშვილმა შექმნა მოძრაობა, ძირითადი ბაზა ამ ახალი სახეების  ეროვნული ფორუმიდანაა. უფრო უსუფაშვილი შეუერთდა ეროვნულ ფორუმს, ვიდრე  პირიქით, ჩემი აზრით, ფორუმმა შექმნა ახალი პარტია და უსუფაშვილი შეუერთდა  მას. მისასალმებელია, ეს ადამიანები დასაკარგი არ არიან, მაგრამ  მათი პოლიტიკური პერსპექტივები ჩემთვის ბუნდოვანია. რაც შეეხება გამარჯვებას, ყველა დარწმუნებულია გამარჯვებაში. შალვა ნათელაშვილი 25 წელია დარწმუნებული, მაგრამ რაა?“,-განაცხადა გია ხუხაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ