ევროკავშირმა დაიწყო იმ წარმომადგენლის კანდიდატურის განხილვა, რომელიც რუსეთის პრეზიდენტ ვლადიმერ პუტინთან პირდაპირ მოლაპარაკებებს შეძლებს. ამის შესახებ Politico-მ 21 ოქტომბერს წყაროებზე დაყრდნობით განაცხადა.

ჩეხეთის პრეზიდენტმა პეტრ პაველმა განაცხადა, რომ ევროპულმა ქვეყნებმა უნდა გამოავლინონ ერთი ადამიანი ან წარმომადგენელთა ჯგუფი, რომელსაც სხვა სახელმწიფოები რუსულ მხარესთან დიალოგის უფლებამოსილებას გადასცემენ.

„ჩვენ არ შეგვიძლია ორი ან სამი ადამიანით ვიმოქმედოთ, რომელთაგან თითოეული ევროკავშირის სახელით ისაუბრებს“, - განაცხადა ერთ-ერთმა ევროპელმა დიპლომატმა და აღნიშნა, რომ კანდიდატი უნდა შეირჩეს მოლაპარაკებების ეფექტურობის და არა შიდა პოლიტიკური ინტერესების საფუძველზე.

შესაძლო წარმომადგენლებს შორის არიან ევროკომისიის პრეზიდენტი ურსულა ფონ დერ ლაიენი, ევროპის საბჭოს პრეზიდენტი ანტონიო კოსტა და ევროპული დიპლომატიის ხელმძღვანელი კაია კალასი. თუმცა, ზოგიერთი დიპლომატი ფინეთის პრეზიდენტ ალექსანდრ სტუბს უფრო შესაფერის კანდიდატად მიიჩნევს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ