პრემიერ-მინისტრი გიორგი კვირიკაშვილი საქართველოში დაგეგმილ NATO-ს საპარლამენტო ასამბლეას გამოეხმაურა.

კვირიკაშვილის თქმით, უმნიშვნელოვანესია, რომ NATO-ს არაწევრ ქვეყანაში ასეთი მაღალი დონის ფორუმი ტარდება.

"NATO-ს საპარლამენტო ასამბლეა ტარდება საქართველოში. ეს არის საგაზაფხულო სესია. უმნიშვნელოვანესია, რომ NATO-ს არაწევრ ქვეყანაში ასეთი მაღალი დონის ფორუმი ტარდება. მიღებული იქნება საქართველოს ევროატლანტიკური ინტეგრაციის მხარდამჭერი დეკლარაცია და ვფიქრობთ, ჩვენი ქვეყნის საგარეო პოლიტიკური ვექტორის კიდევ ერთხელ მხარდაჭერისთვის ასეთი ღონისძიების ჩატარება არის უმნიშვნელოვანესი”,-აღნიშნა პრემიერმა.

მისივე თქმით,  ასევე კარგია, რომ 2018 წელს საქართველოში ჩაინიშნა ევროპის საბჭოს სპორტის მინისტერიალის საიუბილეო სესიის ჩატარება.

„საქართველო უფრო და უფრო იკიდებს ფეხს საერთაშორისო სპორტული ღონისძიებების რუკაზე. ეს იქნება, პირველ რიგში, ჩვენი სპორტსმენების წარმატების საერთაშორისო მასშტაბით წარმოჩენის კიდევ ერთი ძალიან კარგი საშუალება და ასევე საქართველოს შესახებ ცნობადობის ამაღლებისთვის”,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა