საქართველოს პრემიერ-მინისტრი გიორგი კვირიკაშვილი ევროპულ და ევრაზიულ საკითხებში აშშ-ის სახელმწიფო მდივნის თანაშემწის მოადგილეს, ბრიჯიტ ბრინკს და აშშ-ის დელეგაციის წევრებს შეხვდა.

მხარეებმა საქართველო-ამერიკის შეერთებული შტატების სტრატეგიული პარტნიორობის ქარტიით განსაზღვრული საკითხები განიხილეს და ისაუბრეს იმ ერთობლივ ძალისხმევაზე, რომელიც საქართველოში დემოკრატიული ინსტიტუტების გაძლიერებას შეუწყობს ხელს.

შეხვედრაზე ითქვა, რომ აშშ აგრძელებს საქართველოს მნიშვნელოვან დახმარებას სხვადასხვა მიმართულებით, მათ შორის დემოკრატიული განვითარების, ეკონომიკის, თავდაცვისა და უსაფრთხოების სფეროებში.

შეხვედრაზე განიხილეს საკონსტიტუციო და საჯარო სამსახურის რეფორმები და ისაუბრეს სასამართლო სისტემის რეფორმირების მესამე ტალღაზე, რაც მხარეთა შეფასებით, მნიშვნელოვანია არა მხოლოდ სასამართლოს სისტემის გაძლიერების, არამედ ზოგადად ინვესტიციების მოზიდვის კუთხით.

აშშ-ის სახელმწიფო მდივნის თანაშემწის მოადგილემ, ბრიჯიტ ბრინკმა აღნიშნა რეფორმირების პროცესში საქართველოს მიერ მიღწეული მნიშვნელოვანი პროგრესი.

შეხვედრაზე შეაჯამეს საქართველოს პრემიერ-მინისტრის წარმატებული ვიზიტი ვაშინგტონში, რომლის ფარგლებში გამართული შეხვედრების დროს, აშშ-ის ადმინისტრაციის მხრიდან გამოითქვა სრული მზაობა საქართველოსთან არსებული სტრატეგიული პარტნიორობის კიდევ უფრო გაღრმავებისა და გაფართოების შესახებ.

მხარეებმა ასევე ისაუბრეს საქართველოს ევროპული და ევროატლანტიკური ინტეგრაციის პროცესებზე.

საქართველოს მთავრობის ადმინისტრაციაში გამართულ შეხვედრას საქართველოს საგარეო საქმეთა მინისტრი მიხეილ ჯანელიძე და პრემიერ-მინისტრის მრჩეველი საგარეო ურთიერთობების საკითხებში თედო ჯაფარიძე დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა