საქართველოს პრემიერ-მინისტრი გიორგი კვირიკაშვილი აზერბაიჯანის რესპუბლიკის დღისადმი მიძღვნილ საზეიმო მიღებას დაესწრო და აზერბაიჯანელ ხალხს ეროვნული დღესასწაული - რესპუბლიკის დღე მიულოცა.

სიტყვით გამოსვლისას პრემიერ-მინისტრმა საქართველოსა და აზერბაიჯანის მეგობრულ და პარტნიორულ ურთიერთობებზე ისაუბრა.

პრემიერის თქმით, 1991 წელს, დამოუკიდებლობის აღდგენის შემდეგ, აზერბაიჯანი და საქართველო მხარდამხარ უმკლავდებოდნენ დემოკრატიულ სახელმწიფოებად ჩამოყალიბების გზაზე არსებულ გამოწვევებსა და სირთულეებს.

"ამ წლების მანძილზე არსებული პოლიტიკური სირთულეების მიუხედავად, აზერბაიჯანმა და საქართველომ უმნიშვნელოვანესი სტრატეგიული პროექტები წამოიწყეს, რაც ამ სახელმწიფოებს მსოფლიო რუკაზე ადგილი მოპოვებაში დაეხმარა. მათ შორისაა აზიისა და ევროპის, აღმოსავლეთისა და დასავლეთის დამაკავშირებელი მილსადენები. პროექტის საწყის ეტაპზე ამ პროექტების სიცოცხლისუნარიანობასა და მდგრადობაში ბევრს ეპარებოდა ეჭვი, თუმცა ჩვენი პოლიტიკური ლიდერების თავდადების შედეგად, სასურველი მიზნის მიღწევა შესაძლებელი გახდა. ჰეიდარ ალიევი, ქართველ, თურქ და ამერიკელ ლიდერებთან ერთად, ამ გაბედული წამოწყების ერთ-ერთ უმნიშვნელოვანეს საყრდენს წარმოადგენდა",- განაცხადა პრემიერმა.

გიორგი კვირიკაშვილის თქმით, დღეს საქართველო და აზერბაიჯანი ცდილობენ შექმნან ახალი შესაძლებლობები აღმოსავლეთის დასავლეთთან დასაკავშირებლად, რაც კეთილდღეობას მოუტანს რეგიონს.

საქართველოში აზერბაიჯანის რესპუბლიკის საგანგებო და სრულუფლებიანი ელჩის სახელით გამართულ მიღებას საქართველოს აღმასრულებელი და საკანონმდებლო ხელისუფლების წევრები, დიპლომატები, საზოგადოების წარმომადგენლები დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა