იუსტიციის მინისტრი თეა წულუკიანი დემოკრატიისა და ადამიანის უფლებების საკითხებში აშშ-ის სახელმწიფო მდივნის თანაშემწე სკოტ ბასბის შეხვდა.

აშშ-ის სახელმწიფო დეპარტამენტის დელეგაციასთან შეხვედრას, რომელსაც ბასბი ხელმძღვანელობდა, იუსტიციის მინისტრის მოადგილეები ალექსანდრე ბარამიძე და გოჩა ლორთქიფანიძე, აგრეთვე, აშშ-ის ელჩი საქართველოში იან კელი ესწრებოდნენ.  

იუსტიციის მინისტრმა ამერიკის შეერთებული შტატების სახელმწიფო დეპარტამენტის დელეგაციას საქართველოში სამართლებრივ სფეროში განხორციელებული და მიმდინარე რეფორმები გააცნო. საუბარი შეეხო ღია მმართველობის პარტნიორობის კუთხით ქვეყნის მიღწევებს, სასამართლოს სისტემის რეფორმის მესამე ტალღას, სპეციალიზებული კომერციული კოლეგიების/პალატების შექმნის საკითხს, რაც ბიზნესის საჭიროებაზე იქნება ორიენტირებული და საგადასახადო და ბიზნესდავებს სწრაფად და ეფექტიანად გადაწყვეტს. თეა წულუკიანმა აღნიშნა, რომ „ღია მმართველობა − საქართველოს" ფორუმი მთავრობისა და სამოქალაქო საზოგადოების თანამშრომლობის მუდმივმოქმედი მექანიზმია და პარტნიორობის მიერ საუკეთესო პრაქტიკადაა მიჩნეული, რაც საშულებას იძლევა, ღია მმართველობის სტრატეგია და სამოქმედო გეგმა საზოგადოების ყველაზე ფართო ფენების ჩართულობით შემუშავდეს.

 იუსტიციის მინისტრთან შეხვედრას ესწრებოდნენ, აგრეთვე, აშშ-ის იუსტიციის დეპარტამენტის წარმომადგენლები სამართლებრივ და პოლიტიკურ საკითხებში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა