NDI: გამოკითხულთა უმრავლესობა ყველაზე დადებითად საქართველოს მართლმადიდებელი ეკლესიის საქმიანობას აფასებს

2017-05-15 13:04:13, 1517 ნახვა

საზოგადოება

ეროვნულ დემოკრატიული ინსტიტუტის (NDI) კვლევის თანახმად, გამოკითხულთა უმრავლესობა ყველაზე დადებითად მართლმადიდებლური ეკლესიის, იუსტიციის სახლებისა და ჯარის საქმიანობას აფასებს.

კერძოდ, კითხვაზე “როგორ შეაფასებდით ... საქმიანობას”, შედეგები ასე გადანაწილდა:

საქართველოს მართლმადიდებლური ეკლესია: 14% ძალიან კარგად, 44% - კარგად, 23% - საშუალოდ, 6% - ცუდად, 1% - ძალიან ცუდად, 11%-მა არ იცის, 1%-მა პასუხზე უარი განაცხადა;

იუსტიციის სახლები: 9% ძალიან კარგად, 46% - კარგად, 30% - საშუალოდ, 5% - ცუდად, 1% - ძალიან ცუდად, 9 %-მა არ იცის;

საქართველოს ჯარი: 5% - ძალიან კარგად, 44% - კარგად, 35% - საშუალოდ, 6% ცუდად, 1% - ძალიან ცუდად; 10%-მა არ იცის;

საქართველოს პოლიცია: 4 - ძალიან კარგად, 33% - კარგად, 43% - საშუალოდ, 12% -ცუდად; 2% - ძალიან ცუდად, 6%-მა არ იცის;

სახალხო დამცველი: 1% ძალიან კარგად, 22% კარგად, 43% საშუალოდ, 11% - ცუდად, 2% - ძალიან ცუდად; 22%-მა არ იცის;

მთავარი პროკურატურა: 1% - ძალიან კარგად, 12% - კარგად, 41% - საშუალოდ, 16% - ცუდად; 3%- ძალიან ცუდად, 27%-მა არ იცის;

სასამართლოები: 1% - ძალიან კარგად, 12% - კარგად; 40% - საშუალოდ; 22%- ცუდად, 5 % - ძალიან ცუდად, 20%-მა არ იცის, 1%-მა პასუხზე უარი განაცხადა;

თბილისის საკრებულო: 1%- ძალიან კარგად, 11% - კარგად, 43% - საშუალოდ, 20% ცუდად, 8% - ძალიან ცუდად, 16%-მა არ იცის, 1%-მა პასუხზე უარი განაცხადა;

პარლამენტი: 0% - ძალიან კარგად, 10% - კარგად, 49% - საშუალოდ, 25% - ცუდად; 6% ძალიან ცუდად, 9%-მა არ იცის.

კვლევის საველე სამუშაოები 7-28 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,493 პირისპირ ინტერვიუს წარმომადგენლობითი შერჩევის საფუძველზე ჩატარდა.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან