ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

2026-11-01 20:03:48, 283 ნახვა

საზოგადოება

ცხოველთა სამარხების ამსახველი კადრების გავრცელების შემდეგ შინაგან საქმეთა სამინისტრომ გამოძიება დაიწყო. უწყების ინფორმაციით, საქმე სისხლის სამართლის კოდექსის 259-ე მუხლით მიმდინარეობს, რომელიც ცხოველის წამებას, მისდამი სასტიკ მოპყრობას ან სხვაგვარ ძალადობას ითვალისწინებს.

TV პირველმა გაავრცელა ნოდარ მელაძის შაბათის გადაცემის ანონსი, სადაც დამცველების განცხადებით, არის კადრები თუ როგორ მარხავენ ძაღლების ნეშტებს ღამით, სპეციალურად მოწყობილ ორმოებში.

მოგვიანებით, ცხოველთა დამცველებმა პეტიცია გაავრცელეს და პროკურატურას მიმართეს, დაიწყოს გამოძიება გავრცელებულ კადრებთან დაკავშირებით, სადაც ჩანს, როგორ არიან დამარხული ძაღლები ველის სასაფლაოზე.

31 ოქტომბერს ცხოველთა დამცველებმა ასევე გაავრცელეს ველის სასაფლაოზე გადაღებული კადრები, სადაც ჩანს ორმოები და ძაღლების ნეშტები.