თეთრი სახლის ადმინისტრაცია ამერიკის შეერთებულ შტატებში  საქართველოს პრემიერ-მინისტრის გიორგი კვირიკაშვილის ვიზიტს გამოეხმაურა.

შესაბამისი განცხადება ადმინისტრაციამ კაპიტოლიუმის ოფიციალურ ვებ-გვერდზე გამოაქვეყნდა.

"ვიცე-პრეზიდენტი საქართველოს პრემიერ-მინისტრს გიორგი კვირიკაშვილს შეხვდა თეთრ სახლში. ორმა ლიდერმა აშშ-საქართველოს პარტნიორობის სიმტკიცე, რომელიც 25 წლის განმავლობაში უფრო გაიზარდა. შეხვედრის დროს, ხაზი გაესვა  საქართველოს მნიშვნელოვან წვლილს გლობალურ უსაფრთხოებაში. ამასთან, ვიცე-პრეზიდენტმა მადლობა გადაუხადა საქართველოს პრემიერ-მინისტრს ქართველი ხალხის მიერ გაღებული მსხვერპლისთვის, მათ შორის 31-მა ქართველმა სამხედრომ, ავღანეთში ნატო-ს ძალებთან გვერდიგვერდ ბრძოლისას საკუთარი სიცოცხლე შესწირა. გარდა ამისა, ვიცე-პრეზიდენტმა საქართველოს სუვერენიტეტისა და საერთაშორისოდ აღიარებული საზღვრების ფარგლებში ტერიტორიული მთლიანობისადმი აშშ-ის ადმინისტრაციის ერთგულება დაადასტურა. ვიცე-პრეზიდენტმა ასევე, საქართველოს პრემიერის როლი ეკონომიკურ და პოლიტიკურ რეფორმებში გამოყო. გარდა ამისა, აშშ-ის მხარდაჭერა საქართველოსადმი ევროატლანტიკურ სტრუქტურებში ინტეგრაციის გზაზე, მათ შორის ნატო-ში ისევ დაადასტურა. ლიდერებმა ასევე განიხილეს, საშუალებები იმისა, თუ როგორ გაუმჯობესდეს ორი ქვეყნის შორის ეკონომიკური და სავაჭრო ურთიერთობები", - ნათქვამია თეთრი სახლის განცხადებაში. 

შეგახსენებთ, რომ გიორგი კვირიკაშვილი ოფიციალური ვიზიტით ამერიკის შეერთებულ შტატებში იმყოფება. პრემიერ-მინისტრი ვიზიტის ფარგლებში, აშშ-ის სახელმწიფო მდივანდ რექს ტილერსონს და ვიცე-პრეზიდენტ მაიკ პენსის ხვდება.

ცნობისთვის, აშშ-ის პრეზიდენტ დონალდ ტრამპთან შეხვედრა დაგეგმილი არ იყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო