ძველი იპოდრომის ტერიტორიაზე  არსებულ არტსირცეში საერთაშორისო ფოტოკვირეული „ქოლგა თბილისი 2017" გაიხსნა.

ფოტოკონკურსი საუკეთესო ფოტოების ჩვენებითა და გამარჯვებულთა დაჯილდოებით დაიწყო. ფოტოკვირეულის გახსნის ღონისძიებას თბილისის მერის მოადგილე ნინა ხატისკაცი დაესწრო და გამოფენა დაათვალიერა. 

ფოტოკონკურსი თბილისის მერიისა და საქართველოს კულტურისა და ძეგლთა დაცვის სამინისტროს მხარდაჭერით გაიმართა. 

საერთაშორისო ფოტოკონკურსი "ქოლგა" თბილისში უკვე 16 წელია იმართება და, ტრადიციულად, ადგილობრივი თუ საერთაშორისო ფოტოგრაფების ნამუშევრებს მასპინძლობს.  ფოტოკვირეულის ფარგლებში, თბილისის მასშტაბით, ვორქშოფები და ლექციები ჩატარდება. 
წელს ფოტოკონკურსი შემდეგ ნომინაციებში გამოცხადდა - დოკუმენტური სერია, რეპორტაჟი, კონცეპტუალური ფოტოპროექტი, ერთი კადრი და ნომინაცია ჰუავეი მობილური ფოტო, ასევე,  ქვენომინაციებში  „ერთი კადრი" და „მობილური ფოტო სერია".   წლევანდელი ფოტოკონკურსის გამარჯვებულებს საერთაშორისო ჟიური გამოავლენს. კვირეული 11 მაისს დასრულდება. 

ფოტოკონკურსზე წელსაც გაიცემა პრემია - KOLGA NEWCOMER PHOTO AWARD. ეს პრემია გადაეცემა 25 წლამდე ასაკის ახალგაზრდა ფოტოგრაფს, რომლის ფოტოსერიაც სამ სხვადასხვა ნომინაციაში გასული ფოტოპროექტებიდან შეირჩევა. ეს ნომინაციებია   „დოკუმენტური სერია", „რეპორტაჟი" და „კონცეპტუალური ფოტოპროექტი". 

ფოტოკონკურსის  მიზანი  ქართული ფოტოგრაფიის საერთაშორისო დონეზე პოპულარიზაცია და მისი საერთაშორისო  ფოტოგრაფიასთან დაკავშირებაა

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა