ჯანდაცვის მინისტრის მოადგილემ ვალერი კვარაცხელიამ თანამდებობა დატოვა

2017-05-05 16:20:29, 1951 ნახვა

საზოგადოება

საქართველოს ჯანდაცვის მინისტრის მოადგილემ ვალერი კვარაცხელიამ თანამდებობა დატოვა, - ამის შესახებ ინფორმაცია "ექსპრენიუსს" ჯანდაცვის სამინისტროში დაუდასტურეს.

უწყების ინფორმაციით, ვალერი კვარაცხელიამ თანამდებობა თავისი სურვილით დატოვა და ის ბიზნესში ბრუნდება.

„ჯანდაცვის მინისტრის მოადგილემ ვალერი კვარაცხელიამ თანამდებობა საკუთარი სურვილით დატოვა. ვალერი კვარაცხელია კერძო ბიზნესს უბრუნდება. გადაწყვეტილება თანამდებობის დატოვების შესახებ მან რამდენიმე თვის წინ მიიღო. შრომის, ჯანმრთელობისა და სოციალური დაცვის მინისტრთან და პრემიერ-მინისტრთან შეთანხმების შემდეგ, მან 5 მაისს პოსტი დატოვა“, - ნათქვამია სამინისტროს ინფორმაციაში.

ცნობისთვის, ვალერი კვარაცხელია ჯანდაცვის მინისტრის მოადგილედ 2014 წლის 22 ოქტომბრიდან მუშაობდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან