ჯანელიძე: ნებისმიერი აქტივობა, რომელიც შესაძლოა არაფორმალური არხებით განხორციელდეს, ბათილი და არალეგიტიმურია

2017-05-04 13:05:21, 2101 ნახვა

პოლიტიკა კომენტარი

"ნებისმიერი შეთანხმება, მემორანდუმი იტალიის კანონმდებლობის შესაბამისად არის ბათილი, თუ ის არ არის შესაბამისი ცენტრალური ხელისუფლების პოლიტიკასთან",- ამის შესახებ საგარეო საქმეთა მინისტრმა მიხეილ ჯანელიძემ გავრცელებული ინფორმაციის კომენტირებისას განაცხადა, რომლის თანახმადაც, სოხუმმა იტალიის ერთ-ერთ ქალაქთან სამომავლო გეგმების შესახებ პროტოკოლს მოაწერა ხელი.

მისი განმარტებით, ვერც ერთი ნაბიჯი ვერ გადაიდგმება, რომელიც საქართველოსა და იტალიას შორის ურთიერთობას ხელს შეუშლის.

"იტალიის საგარეო საქმეთა სამინისტროსთან გვაქვს კომუნიკაცია. იტალიის ოფიციალური პოზიცია ჩვენთვის კარგად ცნობილია. შესაბამისად, ეს პოზიცია ურყევია. ნებისმიერი აქტივობა, რომელიც შესაძლოა გარკვეული არაფორმალური არხებით განხორციელდეს, ბათილია და არალეგიტიმური. ამ კონკრეტულ შემთხვევაზე ვართ აქტიურ კონტაქტზე აქ, იტალიის საელჩოსთან და ასევე ჩვენი საელჩო იტალიაში. ვერც ერთი ნაბიჯი ვერ იქნება გადადგმული, რომელიც საქართველოსა იტალიის ურთიერთობებს ხელს შეუშლის",- განაცხადა ჯანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან