თამბაქოს კონტროლის შესახებ კანონპროექტზე  თანამომხსენებლის აკაკი ზოიძის განცხადებით, მსოფლიოში თამბაქოს ინდუსტრიის ომის მსხვერპლი  წელიწადში 6 მილიონი ადამიანია.

მისივე თქმით, ამ ომში საქართველო ყველა ქვეყანაზე მეტად აგებს. მან კოლეგებს მოუწოდა, შემოთავაზებულ ცვლილებებს მხარი დაუჭირონ და მომავალი თაობის  სიცოცხლე გადაარჩინონ:

 „მსოფლიოში დღეს გლობალური ომი მიმდინარეობს. ომი, რომლის  მსხვერპლი გახლავთ 6 მილიონი ადამიანი ყოველწლიურად, ომი, რომელსაც თამბაქოს ინდუსტრიისთვის ტრილიონობით შემოსავალი მოაქვს და 35 მილიარდიანი წმინდა მოგება. შესაბამისად, თითოეული ამ ინდუსტრიის მიერ მოკლულ ადამიანზე 6000 დოლარი. დაუფიქრდით ამ ციფრებს. ამ ომში საქართველო ყოველწლიურად 11 000 ადამიანს კარგავს. აქედან 3 000 ადამიანს, რომელსაც შეგნებული გადაწყვეტილება ჰქონდა მიღებული რომ არ მოეწია, ეცხოვრა ჯანსაღი ცხოვრებით, უნდოდა რაც შეიძლება დიდხანს ეცხოვრა. აქედან 300 ბავშვია. ამ ომში ყოველწლიურად საქართველო ნახევარ მილიარდ ლარს კარგავს. საქართველო ამ ომში ყველა ქვეყანაზე მეტად აგებს. დღეს ჩვენ ვიღებთ საშვილიშვილო გადაწყვეტილებას“,-განაცხადა აკაკი ზოიძემ პარლამენტის პლენარულ სხდომაზე, სადაც ცვლილებებს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა