თამბაქოს კონტროლის შესახებ კანონპროექტის ინიციატორის გუგული მაღრაძის განცხადებით, მთავრობის მიერ წარმოდგენილ 17 გვერდიან დოკუმენტში შენიშვნები ცოტა იყო და ძირითადად მასში მოსაზრებები იყო გამოთქმული.

მაღრაძის განმარტებით, მთავრობის ერთ-ერთი შენიშვნა ე.წ. დრაივის-გზის სავალ ნაწილზე თამბაქოს რეალიზაციის აკრძალვას ეხებოდა. მთავრობა ამ ცვლილებას მხარს არ უჭერს. თუმცა, მაღრაძის თქმით, თამბაქოსადმი ხელმისაწვდომობა უნდა გაძნელდეს:

„მთავრობის მიერ წარმოდგენილ 17 გვერდიან დოკუმენტში შენიშვნები როგორც ასეთი ძალიან ცოტა იყო. იყო მოსაზრებები, მაგალითად, ჯანმრთელობის დაცვის სფეროში თამბაქოს ინდუსტრიის დაუშვებლობის შესახებ 3 გვერდი იყო, დასაბუთებები. იყო რამდენიმე შენიშვნა, მათ შორის ჩვენ დავაზუსტეთ ორი ფორმულირება. ამავე დროს გავითვალისწინეთ ვადები, ე.წ. დრაივი არ გავითვალისწინეთ. მიუხედავად იმისა, რომ ე.წ. დრაივზე 4  გვერდი ჰქონდა დაწერილი მთავრობას, რომ აქ არის პატარა ჯიხურები, სადაც მუშაობენ ადამიანები და მათ შემოაკლდებათ  მომხმარებლები. ჩვენი პოზიციაა, რომ რაც შეიძლება გაძნელებული უნდა იყოს მისაწვდომობა თამბაქოსადმი და როდესაც მანქანიდან გადაყოფს ხელს და იყიდის, გაადვილებულია, ჩვენ არ გვინდა, რომ გაადვილებული იყოს. გვინდა, ადამიანებს სპეციალურადაც კი შევუქმნათ პირობები, რომ მათ თანდათანობით იფიქრონ სიგარეტის მოწევაზე თავის დანებებაზე, ამასთან, თუ გავითვალისწინებთ იმასაც, რომ ასეთი ჯიხურები ძალიან ხშირად ისეთ ადგილზეა, რომელიც მოძრაობისთვის საკმაოდ შემაფერხებელია, მიგვაჩნია, რომ ჩვენი პოზიცია  ე.წ. დრაივზე არის  უფრო სწორი, ვიდრე მთავრობის შენიშვნა“,-აღნიშნა მაღრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა