შინაგან საქმეთა მინისტრის მოადგილის შალვა ხუციშვილის განცხადებით, რუსული ბაიკერ-კლუბის "ღამის მგლების" წევრებისთვის საქართველოში შემოსვლაზე უარის მიზეზი ქვეყნის კანონმდებლობაა.

როგორც ხუციშვილმა ჟურნალისტებს განუცხადა, ბაიკერების შემოსვლას საქართველოში უცხოელთა შემოსვლის კანონი არეგულირებს.

„ჩვენი პოზიცია „ღამის მგლებთან“ დაკავშირებით გუშინ იყო ცნობილი. მოგეხსენებათ, არსებობს კანონი, რომელიც არეგულირებს საქართველოში უცხოელთა შემოსვლას, გასვლას და მათ აქ ყოფნას. არსებობდა რამდენიმე საფუძველი, რის გამოც მივიღეთ ეს გადაწყვეტილება“, - აღნიშნა ხუციშვილმა.

რაც შეეხება არ შეშვების კონკრეტულ მიზეზს, ხუციშვილის განმარტებით, მესაზღვრეს აქვს დისკრეციული უფლება, მგზავრობის მიზანი და სხვა ინფორმაცია გამოიკითხოს.

„სწორედ ამ ნორმაზე დაყრდნობით მოხდა გადაწყვეტილების მიღება“, - დასძინა შს მინისტრის მოადგილემ.

შეგახსენებთ, რუსი ბაიკერების საქართველოში შესაძლო ვიზიტს საზოგადოების ნაწილის მხრიდან მწვავე რეაქცია მოჰყვა. სოციალურ ქსელში შესაბამისი პეტიციაც გავრცელდა, სახელწოდებით -  „არ შემოვუშვათ კრემლის მოტოციკლისტები საქართველოში“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა