თბილისის მერი დავით ნარმანია კალიფორნიის შტატის ქალაქ სან დიეგოს ოფიციალური ვიზიტით ეწვია. 

თბილისის მერი  სან დიეგოს მერს კევინ ფოლკნერს შეხვდა  და ორ ქალაქს შორის  სხვადასხვა სფეროში თანამშრომლობის გაღრმავებაზე ესაუბრა.

სან დიეგოს მერმა თბილისის მერს გადასცა მის მიერ ხელმოწერილი პარტნიორობის დოკუმენტი, რომელიც განათლების, ეკონომიკისა და დიპლომატიის სფეროში ორ ქალაქს შორის არსებულ თანამშრომლობას ასახავს და ამ მიმართულებით პროექტების ერთობლივად განხორციელების მზადყოფნას გამოხატავს.

სან დიეგოს სახელმწიფო უნივერსიტეტსა და საქართველოს სამ სახელმწიფო უნივერსიტეტს  შორის, ათასწლეულის გამოწვევის ფონდის მხარდაჭერით, 2013 წლიდან ხორციელდება  პარტნიორობის პროექტი, რომელიც გულისხმობს სტუდენტებისთვის საქართველოში,    ამერიკაში აკრედიტებული ბაკალავრიატის საგანმანათლებლო პროგრამების შემოთავაზებას   სამოქალაქო ინჟინერიის,  ქიმიის,  ტექნოლოგიებისა და ისეთ დარგებში, რომელიც განსაკუთრებით მნიშვნელოვანია ქვეყნის განვითარებისთვის.

დავით ნარმანიას თქმით, თბილისსა და  სან დიეგოს შორის  მჭიდრო თანამშრომლობა ორი ქალაქის დაახლოებისთვის მნიშვნელოვანია.

„ეს თანამშრომლობა განათლების, კულტურისა და ეკონომიკის მიმართულებით არაერთი ურთიერთსასარგებლო საქმის კეთების საშუალებას მოგვცემს.   აღსანიშნავია, რომ სან დიეგოს სახელმწიფო უნივერსიტეტი ქართული უნივერსიტეტების პარტნიორია უკვე 2013 წლიდან. ათასწლეულის გამოწვევის კორპორაციის ფარგლებში დაფინანსებული პროგრამა ჩვენთან კვალიფიციურ კადრებს ამერიკული გამოცდილებით ამზადებს.  5 წლის შემდეგ ამ პროექტის ფარგლებში გვეყოლება, სულ მცირე, 1000 სტუდენტი, რომლებიც  მიიღებენ მაღალი ხარისხის განათლებას და იქნებიან კონკურენტუნარიანი საერთაშორისო ბაზარზე. ჩემთვის, როგორც მერისთვის განსაკუთრებით  საინტერესოა ის, რომ  ამ პროგრამით განვითარდება  სამოქალაქო ინჟინერიისა და მშენებლობის  სექტორის დარგები, რომელიც  პირდაპირ კავშირშია ჩვენს მუნიციპალურ უფლებამოსილებებთან. ამ პროგრამების მეშვეობით გადამზადებული კადრები    მნიშვნელოვან წვლილს შეიტანენ ქალაქის დაგეგმვასა და განვითარებაში“,- განაცხადა თბილისის მერმა.

დავით ნარმანიას თქმით, მნიშვნელოვანია სან დიეგოს გამოცდილების გაზიარება, ასევე, ისტორიული  შენობების  რესტავრაციისა და ურბანული გამწვანების მიმართულებით, რადგან ძეგლების განახლება და გამწვანებაც ურბანული პოლიტიკის სტრატეგიული მიმართულებებია.

სან დიეგოს მერის გადაწყვეტილებით, ყოველი წლის 25 აპრილი სან დიეგოში, კალიფორნიის მეორე ყველაზე მსხვილ ქალაქში,  თბილისის დღედ გამოცხადდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა