ვაშინგტონში საქართველო-აშშ-ის სტრატეგიული პარტნიორობის ქარტიის კომისიის ეკონომიკის, ვაჭრობისა და ენერგეტიკის სამუშაო ჯგუფის მორიგი შეხვედრა გაიმართება.

საგარეო საქმეთა სამინისტროს ინფორმაციით,  ქარტიის კომისიის სამუშაო ჯგუფის შეხვედრაზე განხილულ იქნება საქართველოში ბიზნეს გარემოს გაუმჯობესების, რეფორმების მეშვეობით ქვეყნის ეკონომიკური ზრდის უზრუნველყოფისა და ქვეყნის ენერგო უსაფრთხოების განმტკიცების საკითხები, მათ შორის, ენერგეტიკული სექტორის მდგრადობის უზრუნველყოფისა და ინვესტიციების მოზიდვის კუთხით.

უწყების ინფორმაციით,  სამუშაო ჯგუფის შეხვედრაზე განსაკუთრებული ყურადღება ვაჭრობის, ინვესტიციების, ინოვაციებისა და მეწარმეობის კუთხით საქართველოსა და აშშ-ს შორის მჭიდრო ორმხრივი თანამშრომლობის კიდევ უფრო განმტკიცებას დაეთმობა.

 მხარეები განიხილავენ ვაჭრობისა და ინვესტიციების მაღალი დონის დიალოგის, სავაჭრო მისიების, თბილისის „აბრეშუმის გზის" ფორუმის, მეწარმეობის განვითარებისა და ინოვაციების, ასევე, ანაკლიის პორტის მშენებლობის მიმართულებებს.

 შეხვედრაზე საუბარი ასევე შეეხება გარემოს დაცვის მიმართულებით ორმხრივი თანამშრომლობის გაღრმავებას.

 სამუშაო ჯგუფს ქართული მხრიდან თავმჯდომარეობას გაუწევენ საქართველოს საგარეო საქმეთა მინისტრის პირველი მოადგილე, დავით ზალკალიანი და საქართველოს ეკონომიკისა და მდგრადი განვითარების მინისტრის მოადგილე, გენადი არველაძე, ხოლო ამერიკული მხრიდან - ეკონომიკისა და ბიზნესის საკითხებში აშშ-ის სახელმწიფო მდივნის თანაშემწის მოვალეობის შემსრულებელი, პატრიშა ჰესლეჩი, ასევე, ევროპისა და ევრაზიის საკითხებში აშშ-ის საერთაშორისო განვითარების სააგენტოს ადმინისტრატორის მოქმედი თანაშემწე, მარგო ელისი.

 საგარეო საქმეთა მინისტრის პირველი მოადგილე, დავით ზალკალიანი, აშშ-ში ვიზიტის ფარგლებში ასევე შეხვედრებს გამართავს აშშ-ის აღმასრულებელი და საკანონმდებლო ხელისუფლების წარმომადგენლებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა