რუსთავში, კომპანია „ჯეოსთილში“ აფეთქება მოხდა, ამის შესახებ ინფორმაციას "საზოგადოებრივი მაუწყებელი" ავრცელებს.

მათი ინფორმაციით, აფეთქების შედეგად ორი ადამიანი დაშავდა.

არსებული ინფორმაციით, 25 წლისა და 63 წლის მამაკაცებს სახე და ზედა კიდურები აქვთ დამწვარი. 63 წლის მამაკაცის მდგომარეობა შედარებით მძიმეა, ის უკვე გადაიყვანეს ხეჩინაშვილის სახელობის საუნივერსიტეტო კლინიკის დამწვრობის ცენტრში. 

აფეთქების მიზეზი, ჯერჯერობით, უცნობია. ასევე არ არის ცნობილი, რომელი ხარისხის დამწვრობა აღენიშნებათ დაშავებულებს.

საქართველოს შინაგან საქმეთა სამინისტროში ინფორმაციით, მომხდარზე გამოძიება სისხლის სამართლის კოდექსის 170-ე მუხლით დაიწყო, რაც შრომის დაცვის წესის დარღვევას გულისხმობს. მათივე ცნობით, აფეთქების მიზეზს გამოძიება დაადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას