საქართველოს პროკურატურა ევროპის საბჭოსთან თანამშრომლობით ახორციელებს პროექტს, რომლის ფარგლებშიც დისკრიმინაციის წინააღმდეგ ბრძოლის თემაზე გადამზადებას ყველა პროკურორი და პროკურატურის სისტემის გამომძიებელი მიმდინარე წლის ბოლომდე ეტაპობრივად გაივლის. ამის შესახებ "ექსპრენიუსს" პროკურატურიდან აცნობეს.

მათი ინფორმაციით, გადამზადების მიზანი ანტიდისკრიმინაციის თემაზე მონაწილეების კვალიფიკაციის ამაღლება, ყოველდღიურ სამუშაო პრაქტიკაში ადამიანის უფლებათა დაცვისევროპული კონვენციისა და საერთაშორისო სტანდარტების დანერგვის ხელშეწყობაა. გადამზადების კურსი ევროკავშირისა და ევროპის საბჭოს ერთობლივი პროექტის „საქართველოში ადამიანის უფლებათა ევროპულიკონვენციის გამოყენება და ეროვნული კანონმდებლობისა და სასამართლო პრაქტიკის შესაბამისობაში მოყვანაევროპულ სტანდარტებთან" მხარდაჭერით ხორციელდება.

ორდღიანი სასწავლო კურსის ფარგლებში მონაწილეები ეცნობიან: დისკრიმინაციასთან დაკავშირებულ ეროვნულსამართლებრივ და საერთაშორისო ნორმებს. პროგრამის ფარგლებში დამოუკიდებელ საკითხებად განიხილება: დისკრიმინაციის აკრძალვა სქესობრივი და გენდერული ნიშნით, სიძულვილით მოტივირებული დანაშაულები,რელიგიური, ეთნიკური ნიშნით დისკრიმინაცია და შეზღუდული შესაძლებლობის მქონე პირთა დისკრიმინაცია. ტრენინგზე სამართლებრივ ნორმებთან ერთად აქცენტი კეთდება ევროსასამართლოს პრეცედენტულ სამართალზე. სასწავლო პროცესი დატვირთულია პრაქტიკული სავარჯიშოებით.  

პროექტის ფარგლებში უკვე განხორციელდა ტრენინგები საშუალო რგოლის მენეჯერებისთვის, პროკურორებისა დაპროკურატურის სისტემის გამომძიებლებისთვის. გადამზადების კურსების ფარგლებში დაიფარა კახეთისა დადასავლეთ საქართველოს საოლქო პროკურატურები. საშუალო რგოლის მენეჯერებისთვის განხორციელებული 3 ტრენინგი კი ყველა ტერიტორიული ორგანოსა და შესაბამისი სტრუქტურული დანაყოფის 65-ზე მეტმაწარმომადგენელმა გაიარა. ანტიდისკრიმინაციის თემაზე პროკურორებისა და სისტემის გამომძიებლების გადამზადების პროცესი მიმდინარე წლის ბოლომდე ეტაპობრივად განხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა