უკრაინელი ძალოვნები რუსეთის სათათბიროს ყოფილი დეპუტატის მკვლელობას იძიებენ, - ამის შესახებ ადგილობრივი მედია იუწყება.

როგორც უკრაინის შინაგან საქმეთა სამინისტროში აცხადებენ, დენის ვორონენკოვის მკვლელობაში ეჭვმიტანილი პირი რუსეთის სპეცსამსახურების აგენტია, რომელიც უკრაინის ძალოვან სტრუქტურებში იყო ჩანერგილი.

შს მინისტრის მრჩეველის ანტონ გერაშენკოს ინფრომაციით, დეპუტატის მკვლელი პაველ პარშოვია. 

„დენის ვორონენკოვის მკვლელი უკრაინის მოქალაქე პაველ პარშოვია, რომელიც 1988 წელს ქალაქ სევასტოპოლში დაიბადა“, - ამის შესახებ ანტონ გერაშენკომ სოციალურ ქსელ Facevookის საკუთარ გვერდზე წერს.

არსებული ინფორმაციით, მკვლელი უკრაინის მოქალაქეა, ეროვნულ გვარდიაში წელიწადზე მეტია მსახურობს და რუსეთის სპეცსამსახურებმა 2014 წელს გადაიბირეს.

შეგახსენებთ, რომ რუსეთის სახელმწიფო სათათბიროს ყოფილი დეპუტატი, რომელმაც 2016 წელს პოლიტიკური დევნის გამო ქვეყანა დატოვა და უკრაინაში ითხოვა თავშესაფარი, კიევის ცენტრში გუშინ მოკლეს. თავდასხმის დროს საპასუხო ცეცხლი დენის ვორონენკოვის მცველმაც გახსნა, შედეგად მკვლელი მძიმედ დაიჭრა და საავადმყოფოში მიყვანისთანავე გარდაიცვალა.

უკრაინელი ძალოვნების ინფორმაციით, მას თანამზრახველიც ჰყავდა, რომელიც ამ დროისთვის იძებნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა