თბილისის მერი დავით ნარმანია და სამგორის რაიონის გამგებელი გიორგი ბაგრატიონი წმინდა ბარბარეს უბანში გზების სარეაბილიტაციო სამუშაოებს გაეცნენ.  

თბილისის მერიის ინფორმაციით, მიმდინარე ინფრასტრუქტურული სამუშაოების ფარგლებში, წმინდა ბარბარეს უბანში 6  ქუჩაზე მთლიანად შეიცვლება  ასფალტის საფარი.  აღნიშნულ მისამართზე  ასფალტის საფარი  9 194 კვ.მ-ზე დაიგება.  

თბილისის მერის დავით ნარმანიას თქმით, მიმდინარე ინფრასტრუქტურული სამუშაოები ძალიან მნიშვნელოვანია, რადგან აღნიშნულ უბანში გზა გასული საუკუნის 90-იანი წლების შემდეგ არ დაგებულა. 

„გიგინეიშვილის ქუჩასა და მის პარალელურ ქუჩებზე გზის საფარის დაგების სამუშაოები ინტენსიურ რეჟიმში მიმდინარეობს, რათა ის პრობლემა, რომელიც მოსახლეობას უკვე წლებია  აწუხებს, რაც შეიძლება სწრაფად მოგვარდეს. ამ ეტაპზე, ბარბარეს უბანში სულ 6 მისამართზე დაიგება ასფალტის საფარი,“ - განაცხადა დავით ნარმანიამ. 

სამუშაოებს, სამგორის რაიონის დაკვეთით, კონტრაქტორი კომპანიები შპს „იბერი“ და შპს  „ჰედეფ ჯორჯია“ აწარმოებენ.    

მიმდინარე ინფრასტრუქტურული პროექტებისთვის ბიუჯეტიდან 471 873 ლარია გამოყოფილი.  

სამუშაოები მიმდინარე წლის იანვარში დაიწყო და აპრილში დასრულდება.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა