დიდი ბრიტანეთის პრემიერის ტერეზა მეის განცხადებით, ტერორისტული ინციდენტისათვის, თავდამსხმელებმა ადგილი ლონდონში შემთხვევით არ შეარჩიეს, რადგან ეს დედაქალაქის გულია, - ამის შესახებ BBC იუწყება.

„თავდამსხმელებმა ადგილი ლონდონში შემთხვევით არ შეარჩიეს. სწორედ აქ - ჩვენი დედაქალაქის გულში იკრიბებიან განსხვავებული აღმსარებლობისა და კულტურის წარმომადგენელი ადამიანები, რათა ადიდონ ჩვენი საერთო ღირებულებები დემოკრატიისა და სიტყვის თავისუფლების მიმართულებით ჩვენს უძველეს პარლამენტთან“, - განაცხადა მეიმ.  

პრემიერმა მოუწოდა მოსახლეობას, არ აყვნენ სიძულვილის ენას და განაგრძონ ცხოვრება, ტერორისტების შიშის გარეშე. 

როგორც პრემიერ-მინისტრმა აღნიშნა, ქვეყანა ტერორისტული საფრთხის მაღალ დონეს არ გამოაცხადებს.

შეგახსენებთ, გუშინ ლონდონში, შეიარაღებულმა მამაკაცმა ცივი იარაღით პოლიციელი დაჭრა, შემდეგ კი პარლამენტის შენობისკენ გაიქცა, თუმცა ამ დროს სამართალდამცველებმა მას ცეცხლი გაუხსნეს. თავდამსხმელი ადგილზე გარდაიცვალა.

ცოტა ხნის შემდეგ, ვესტმინსტერის ხიდთან ავტომობილი ქვეითებს გამიზნულად დაეჯახა. სულ ინციდენტის შედეგად 5 ადამიანი დაიღუპა, მათ შორის თავდამსხმელი, 20-მდე კი დაშავდა. 

სკოტლანდ-იარდმა მომხდარს ტერაქტის კვალიფიკაცია მიანიჭა.

პარლამენტის შენობა ამ დროისთვის ბლოკირებულია. ქვეყნის პრემიერ-მინისტრი ტერეზა მეი უსაფრთხო ადგილზე გადაიყვანეს. არსებული ინფორმაციით, ის უკვე ესაუბრა აშშ-ის პრეზიდენტ დონალდ ტრამპს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძეს მიაჩნია რომ საკონსტიტუციო სასამართლოში არა ოპოზიციას არამედ უცხოურ აგენტურას კრძალავს

მიხეილ სააკაშვილისა და ლევან ხაბეიშვილის დაკითხვაზე საკონსტიტუციომ შუამდგომლობა არ დააკმაყოფილა

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა