საფრანგეთის შინაგან საქმეთა მინისტრის, ბრუნო ლე რუქსის განცხადებით, „ორლის“ აეროპორტზე თავდამსხმელი მამაკაცი პარიზის გარეუბანში  მომხდარ თავდასხმასთან კავშირშია.

მისი თქმით,  თავდამსხმელმა დღეს დილით, 7 საათზე პოლიციის ქალ თანამშრომელს საბუთების შემოწმებისას ესროლა,  შემდეგ კი, ავტომობილი გაიტაცა.

როგორც ლე რუქსმა აღნიშნა, ოფიცერი სერიოზულად არ დაშვებულა.

მისივე თქმით, შეიარაღებულ მამაკაცს მანამდე  პოლიცია და სადაზვერვო სამსახურები აკვირდებოდნენ.

ამასთან, The guardian  საფრანგეთის შინაგან საქმეთა მინისტრის პრესსპიკერიზე დაყრდნობით წერს, რომ თავდამსხმელს ასაფეთქებელი მოწყობილობა არ ჰქონია.

მომხდარს გამოეხმაურა ქვეყნის პრეზიდენტი ფრანსუა ოლანდიც და თავდამსხმელის წინააღმდეგ ბრძოლაში ჩართულ პოლიციელებს მადლობა გადაუხადა.

მან ასევე ხაზი გაუსვა იმ ფაქტს, რომ საფრანგეთი ტერორიზმის წინააღმდეგ ბრძოლას განაგრძობს.

„საფრანგეთი შეუსვენებლად აგრძელებს დაუნდობელ ბრძოლას ტერორიზმთან, ჩვენი თანამოქალაქეებისა და ტერიტორიის უსაფრთხოების დასაცავად“, - დასძინა პრეზიდენტმა.

სპეცოპერაციაში ჩართულ პირებს მადლობა საფრანგეთის პრეზიდენტობის კანდიდატმა  ემანუელ მაკრონმაც გადაუხადა.

„მათ კიდევ  ერთხელ აჩვენეს სიმშვიდე, კონტროლისუნარიანობა და პროფესიონალიზმი“, - განაცხადა პრეზიდენტობის ცენტრისტმა კანდიდატმა.

ამ დროისთვის, „ორლის“ აეროპორტიდან 3000 მდე ადამიანია ევაკუირებული, ფრენები კი შეჩერებულია.

სავარაუდოდ, აეროპორტი დღეს ღამემდე არ გაიხსენება. ოფიციალურმა პირებმა  მოგზაურებს მოუწოდეს,  „ორლის“ აეროპორტისგან თავი შორს დაიჭირონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს

პარტიების მოთხოვნა მოსამართლეების აცილებაზე საკონსტიტუციოს პლენუმმა არ დააკმაყოფილა