შინაგან საქმეთა სამინისტროს ობიექტების დაცვის დეპარტამენტის 73 წვევამდელმა სამხედრო ფიცი დადო.

უწყების პრესსამსახურის ინფორმაციით,  ღონისძიებას შინაგან საქმეთა მინისტრის მოადგილე, მერაბ მალანია, ობიექტების დაცვის დეპარტამენტის დირექტორი, ივანე ზურაბაშვილი, ასევე, ობიექტების დაცვის დეპარტამენტის თანამშრომლები და წვევამდელების ოჯახის წევრები დაესწრნენ.

მათივე ცნობით, შინაგან საქმეთა მინისტრის მოადგილემ, მერაბ მალანიამ ახალწვეულებს ფიცის მიღება მიულოცა.

ახალწვეულებმა ფიცის მიღების ცერემონიაზე საქართველოს სახელმწიფო ჰიმნი შეასრულეს, ასევე, წუთიერი დუმილით პატივი მიაგეს სამსახურებრივი მოვალეობის შესრულების დროს გმირულად დაღუპულ შსს-ს მოსამსახურეთა ხსოვნას.

ღონისძიებაზე ობიექტების დაცვის დეპარტამენტის 19 წარჩინებული ვადიანი სამხედრო მოსამსახურე, სამხედრო სამსახურის პერიოდში გამოჩენილი მამაცობისა და საბრძოლო ღირსების დაცვისთვის, საპატიო სიგელით დაჯილდოვდა, ხოლო 2 წარჩინებული ვადიანი სამხედრო მოსამსახურე - ამავე დეპარტამენტში, სხვადასხვა თანამდებობაზე დასაქმდა.

შსს-ს ობიექტების დაცვის დეპარტამენტში ჯარისკაცები ერთწლიან სავალდებულო სამხედრო სამსახურს გაივლიან. შესაბამისი წვრთნების შედეგად, ისინი სამხედრო საქმიანობას შეისწავლიან და პროფესიულ უნარ-ჩვევებს შეიძენენ. ჯარისკაცები სხვადასხვა სპორტულ ღონისძიებაშიც მიიღებენ მონაწილეობას. ისინი უფასო სამედიცინო მომსახურებით და უფასო კვებით იქნებიან უზრუნველყოფილნი და მოკლევადიანი შვებულებითაც ისარგებლებენ. სამხედრო სავალდებულო სამსახურის დასრულების შემდეგ, წარჩინებულ ვადიან სამხედრო მოსამსახურეებს სერთიფიკატები გადაეცემათ, ხოლო, შესაბამისი კონკურსის გავლის შემთხვევაში, სამინისტროს სხვადასხვა დანაყოფში დასაქმდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები