უკრაინის პროკურატურამ გვიან ღამით საქართველოს ყოფილ გენერალურ კონსულს თეიმურაზ ნიშნიანიძეს დიდი ოდენობით ქონების მითვისებისთვის ბრალი წაუყენა და დაკითხვაზე დაიბარა, - ამის შესახებ Arena Press-ი იუწყება.

მედია საშუალების ინფორმაციით, საქმე ამ თანამდებობაზე მუშაობის პერიოდს ეხება.

ნიშნიანიძის ინფორმაციით, პროკურატურა დაპატიმრებას ან გირაოს ითხოვს.

"ღამის 2 საათზე საპატრულო პოლიციამ ვითომ და ნიშნით, რომ დავარღვიე საგზაო მოძრაობა, შემაჩერა. როგორც კი გავჩერდი და გადმოვედი მანქანიდან, უშიშროების სამსახურის და გენერალურის პროკურატურის წარმომადგენლები დამხვდნენ. მითხრეს, რომ კონსულად მუშაობის პერიოდში , ჩემთვის უცნობ საქმეზე, რომლის ძიება დახურულად მიმდინარეობს უკვე 8 თვის განმავლობაში, მე მედება ბრალად. არც ერთი მასალა, საქმეში არსებული ჩემთვის უცნობია. ეს არის დისკრედიტაცია ჩემი და იმ გუნდის რომელთანაც ვასოცირდები. მე რომ დამალვა მდომებოდა, საქართველოში აბსოლუტურად მყუდროდ და უსაფრთხოდ ვგრძობდი თავს. შეგნებულად ჩამოვედი და არსად გაქცევას არ ვაპირებ", - განაცხადა ნიშნიანიძემ "რუსთავი 2"-თან საუბრისას.

ყოფილი გენერალური კონსული დღეს დაკითხვაზეა დაბარებული. ამასთან, სასამართლო პროცესიც აღნიშნულ საკითხთან დაკავშირებით დღეს არის ჩანიშნული.

ცნობისთვის, 2016 წლის 26 მაისს თემურ ნიშნიანიძის სახლსა და ოფისში მთავარმა პროკურატურამ ჩხრეკა ჩაატარა. როგორც მაშინ პროკურატურაში აცხადებდნენ ჩხრეკა საქველმოქმედო ფონდ "ოდესისთვის" საქმიანობას უკავშირდებოდა. ამასთან, უკრაინული მედიის ცნობით, ყოფილი კონსული ექს პრეზიდენტ მიხეილ სააკაშვილის მხარდამჭერია და შესაძლოა პროკურატურა მისი საქმიანობით, სწორედ ამის გამო ინტერესდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში