საფინანსო სექტორის ზედამხედველობის ფუნქციის საქართველოს ეროვნული ბანკისთვის გადაცემის შესახებ კანონპროექტთა პაკეტი წარადგინა საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა მთავრობის დღევანდელ სხდომაზე.

„ბოლო პერიოდში მომხდარი ცვლილებების შედეგად ჩვენ ჩავთვალეთ, რომ საფინანსო სექტორის ზედამხედველობა უნდა დაბრუნებულიყო ეროვნულ ბანკში. აქედან გამომდინარე, ჩვენ აღარ დაველოდეთ საკონსტიტუციო სასამართლოს მსჯელობას ამ საკითხზე და საქართველოს პარლამენტს პირვანდელი სახით წარვუდგენთ იმ კანონპროექტებს, რომელიც ეხება საფინანსო სექტორის ზედამხედველობას," - განაცხადა პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა მთავრობის სხდომის დასრულების შემდეგ.

აღნიშნული პაკეტი ითვალისწინებს 17 კანონში ცვლილების შეტანას და იმ სტატუს-კვოს აღდგენას, რომელიც 2015 წლამდე არსებობდა, როდესაც საფინანსო სექტორის ზედამხედველობა ეროვნული ბანკის ერთერთ ფუნქციას წარმოადგენდა. მოგვიანებით მიღებული კანონით აღნიშნული ფუნქცია დამოუკიდებელ საჯარო სამართლის იურიდიულ პირს - საფინანსო ზედამხედველობის სააგენტოს გადაეცა, თუმცა საკანონმდებლო ცვლილება საკონსტიტუციო სასამართლოში გასაჩივრდა. 

პირველი ვიცე-პრემიერი დიმიტრი ქუმსიშვილი, ასევე, შეეხო საერთაშორისო სავალუტო ფონდთან მიმდინარე მოლაპარაკებებს. „ჩვენ ამჟამად ძალიან აქტიურ პროცესში ვართ საერთაშორისო სავალუტო ფონდთან მოლაპარაკებებში. მათთვის, ასევე, ძალიან მნიშვნელოვანია და დადებითი მოვლენაა აღნიშნული გადაწყვეტილება," - განაცხადა პირველმა ვიცე-პრემიერმა, დიმიტრი ქუმსიშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში